ក្រុងប៉ោយប៉ែត៖ដោយសារតែរឿងដណ្ដើមម៉ូយអ្នកបើកបររថយន្ដតាក់ស៊ីពីក្រុងប៉ោយប៉ែតទៅបន្ទាយមានជ័យបានឈ្លោះប្រកែកគ្នាឈានដល់ការប្រើអំពើហិង្សាក្រុងប៉ោយប៉ែត ៖ ដោយសារតែរឿងដណ្ដើមម៉ូយ អ្នកបើកបររថយន្ដតាក់ស៊ី ពីក្រុងប៉ោយប៉ែត ទៅបន្ទាយមានជ័យ បានឈ្លោះប្រកែកគ្នា ឈានដល់ការប្រើអំពើហិង្សា វាយតប់គ្នាទាំងប្តីទាំងប្រពន្ធ បង្កឲ្យមានការភ្ញាក់ផ្អើល ពេញច្រកទ្វារអន្ដជាតិ ក្រុងប៉ោយប៉ែត កាលពីវេលាម៉ោង ៤និង៤៦ នាទីល្ងាច ថ្ងៃទី១១ ខែធ្នូ ឆ្នាំ២០១៣ ត្រង់ចំណុចមុខទីស្នាក់ការ កាំកុងត្រូលច្រកទ្វារប៉ោយប៉ែត ស្ថិតក្នុងភូមិក្បាលស្ពាន១ សង្កាត់-ក្រុងប៉ោយប៉ែត ខេត្ដបន្ទាយមានជ័យ ។
សមត្ថកិច្ចបានឲ្យដឹងថា កន្លងមកក្រុមអ្នករត់តាក់ស៊ី តែងតែរង់ចាំចាប់ម៉ូយ ជាពលករខ្មែរដែលវិលត្រលប់ មកពីប្រទេសថៃ ហើយមុនកើតហេតុ ពលករខ្មែរដែលមកពីប្រទេសថៃ បានដើរចេញពីទីស្នាក់ការ ណគរបាលអន្ដោប្រវេសន៍ ពេលនោះប្រពន្ធឈ្មោះ ហូរី បានទៅចាប់ ម៉ូយ។ តែត្រូវប្រពន្ធឈ្មោះ ហស្ស ទៅដណ្ដើមម៉ូយពីប្រពន្ធ ហូរី បង្កទៅជាជម្លោះ ប្រតាយប្រតប់គ្នា ទៅវិញទៅមកតែម្ដង។
ក្នុងហេតុការណ៍នោះ ស្ត្រីជាប្រពន្ធបានវាយគ្នា ហើយបុរសជាប្តីក៏បន្តវាយតប់គ្នា ដូចក្នុងរឿងចិនហុងកុង ផ្អើលអ្នកធ្វើដំណើរ តែមិនបង្កគ្រោះថ្នាក់នោះទេ ដោយសារតែសមត្ថកិច្ច ឈរជើងនៅទីនោះ ជួយអន្តរាគមន៍ទាន់ពេលវេលា។ សមត្ថកិច្ចបានឃាត់ខ្លួន ប្តីប្រពន្ធអ្នករត់តាក់ស៊ីទាំង ៤នាក់យកទៅទីបញ្ជាការដ្ឋាន កងរាជអាវុធហត្ថក្រុងប៉ោយប៉ែត ដើម្បីសាកសួរនិងអប់រំធ្វើកិច្ចសន្យា កុំឲ្យប្រព្រឹត្តបែបនេះទៀត៕
Source from: watphnom-news.com
Loading...
Post a Comment