ក្រុងប៉ោយប៉ែត៖រថយន្តស៊េរីទំនើបឆ្នាំ២០១៤ម៉ាកឡង់គ្រីស័រ៥៧០ពណ៌ខ្មៅមួយគ្រឿងដែលត្រូវបង់ពន្ធនាំចូលមិនតិចជាង៥ម៉ឺនដុល្លារក្រុងប៉ោយប៉ែត ៖ រថយន្តស៊េរីទំនើបឆ្នាំ២០១៤ ម៉ាកឡង់គ្រីស័រ៥៧០ ពណ៌ខ្មៅ មួយគ្រឿងដែលត្រូវបង់ពន្ធនាំចូល មិនតិចជាង ៥ម៉ឺនដុល្លារ ដែលឈ្មួញមានអំណាច លួចនាំចូលពីប្រទេសថៃ តាមច្រកទ្វារអន្តរជាតិប៉ោយប៉ែត ត្រូវបានសមត្ថកិច្ច នគរបាលអន្តោប្រវេសន៍ សហការជាមួយមន្ត្រីគយ ឃាត់ចាប់បាន កាលពីរសៀលថ្ងៃទី១២ ខែឆ្នូ ឆ្នាំ២០១៣ នៅចំណុចគល់ស្ពាន ច្រកទ្វារអន្តរជាតិប៉ោយប៉ែត ស្ថិតនៅភូមិក្បាលស្ពាន សង្កាត់-ក្រុងប៉ោយប៉ែត ខេត្តបន្ទាយមានជ័យ ។
មន្ត្រីគយបានអោយដឹងថា ការឃាត់រថយន្តខាងលើនេះ គឺជនសង្ស័យបានលួចបើកបរបរដោយត្រង់ ពីប្រទេសថៃចូលមកកម្ពុជា តាមច្រកទ្វារអន្តរជាតិប៉ោយប៉ែត ដោយបន្លំពាក់ស្លាកលេខ ភ្នំពេញ 2D-3558 ដើម្បីបន្លំភ្នែកសមត្ថកិច្ច ប៉ុន្តែដោយគេចមិនរួច ពីព្រោះរថយន្តស៊េរីទំនើបនោះ គ្មានវិកយបត្របង់ពន្ធនាំចូលត្រឹមត្រូវ ទើបសមត្ថកិច្ចប៉ូលិស កាក់សួរនាំទើបដឹងថា ជារថយន្តដែលលោតឆ័ត្រ នាំចូលមកពីប្រទេសថៃ។ អ្នកបើករថយន្តគេចពន្ធនោះ ទំនងជាមានមន្ត្រីធំនៅពីក្រោយខ្នង ព្រោះថា ក្រោយពេលពីប៉ូលិសឃាត់រថយន្ត ក៏បុរសជាតៃកុង បានគេចខ្លួនបាត់ស្រមោល ចំណែករថយន្តស៊េរីទំនើបខាងលើត្រូវបញ្ជូនមកអោយ ជំនាញគយច្រកប៉ោយប៉ែត ចាត់ការបន្តតាមផ្លូវច្បាប់ ។
ប្រភពពីមន្ត្រីគយមួយរូប បានបង្ហើបអោយដឹងថា រថយន្តស៊េរីទំនើបគេចពន្ធខាងលើនេះ ប្រសិនជាបង់ពន្ធនាំចូលត្រឹមត្រូវនោះ គិតជាទឹកប្រាក់មិនតិចជាង ៥ម៉ឺនដុល្លារឡើយ ។ សូមបញ្ជាក់ផងដែរថា ករណីរត់ពន្ធរថយន្តស៊េរីទំនើបៗ តាមច្រកទ្វារអន្តរជាតិប៉ោយប៉ែត គឺកើតមានជាយូរយាមកហើយ គេសង្ស័យថា ឈ្មួញដែលរត់ពន្ធ រថយន្តទំនើបទាំងនោះ ត្រូវរ៉ូវគ្នាជាមួយក្រុមមន្ត្រីជំនាញ និងសមត្ថកិច្ចពាក់ព័ន្ធហើយបន្ទាប់ពីមានការ កែទម្រង់ស៊ីជម្រៅថ្មី របស់រាជរដ្ឋាភិបាល ពួកឈ្មួញអស់ផ្លូវរត់ពន្ធ ក៏ជាប់អន្ទាក់សមត្ថកិច្ចតែម្តង៕
Source from: watphnom-news.com
Loading...
Post a Comment