រាជធានីភ្នំពេញ៖យុវជនម្នាក់ជិះម៉ូតូមួយគ្រឿងក្នុងល្បឿនលឿនបានជ្រុលទៅបុករថយន្ដមួយគ្រឿងដែលកំពុងបើកច្រាសទិសគ្នាយ៉ាងពេញទំហឹងបណ្ដាលឱ្យដួលបោកក្បាលរាជធានីភ្នំពេញ ៖ យុវជនម្នាក់ជិះម៉ូតូមួយគ្រឿង ក្នុងល្បឿនលឿន បានជ្រុលទៅបុក រថយន្ដមួយគ្រឿងដែលកំពុងបើក ច្រាសទិសគ្នាយ៉ាងពេញទំហឹង បណ្ដាលឱ្យដួលបោកក្បាល សន្លប់ស្ដូកស្ដឹងនៅនឹងកន្លែងជិត ១ ម៉ោង ប៉ុន្ដែពុំមានរថយន្ដ សង្គ្រោះណាមួយ ចេញមកដឹកនោះទេ កាលពីវេលាម៉ោង ៦និង៣០នាទី ព្រឹកថ្ងៃទី១៤ ខែធ្នូ ឆ្នាំ២០១៣ នៅលើកំណាត់ផ្លូវ ជាតិលេខ៣ ខាងមុខឃ្លាំងឱសថក្រសួង សុខាភិបាល ភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះមានឈ្មោះ អូន ណាលីន អាយុ ២០ឆ្នាំ មានមុខរបរជាកងសន្ដិសុខនៅ ក្រុមហ៊ុនឯកជន រស់នៅភូមិ-សង្កាត់ កើតហេតុខាងលើ បានជិះម៉ូតូមួយគ្រឿងម៉ាក ហុងដាគុបជ្រុង ពណ៌ទឹកប៊ិច ពាក់ស្លាក លេខ គ-២៣៤៦ ភព១ តាមបណ្ដោយផ្លូវជាតិលេខ៣ ក្នុងទិសដៅពីជើងទៅត្បូង បានបើកជែងរថយន្ដមួយគ្រឿង ស្របទិសគ្នាក៏វាក់នឹង រថយន្ដមួយគ្រឿងទៀត បើកច្រាសទិសគ្នា ធ្វើឱ្យជ្រុលចង្កូតទៅបុករថយន្ដ យ៉ាងពេញទំហឹង បណ្ដាលឱ្យដួលបោកទៅនឹងថ្នល់ ផ្កាប់មុខសន្លប់ហូរឈាម ជោកខ្លួនតែម្ដង។
ជនរងគ្រោះបានដួលសន្លប់ជាងមួយម៉ោង ទើបដឹងខ្លួនមកវិញ ហើយក្រោយមកក៏ឃើញ រថយន្ដសង្គ្រោះ របស់មន្ទីរពេទ្យបង្អែក ពោធិ៍ចិនតុង មកដឹកយកទៅសង្គ្រោះ។ ក្រោយពេលកើតហេតុ នគរបាល បានចុះទៅជួយធ្វើអន្ដរាគមន៍ ប៉ុន្ដែដោយសារក្រុមគ្រួសារជនរងគ្រោះ ពុំមានការប្ដឹងផ្ដល់នោះ សមត្ថកិច្ចក៏បានប្រគល់ម៉ូតូ ទៅឱ្យក្រុមគ្រួសារនៅ នឹងកន្លែងកើតហេតុយកទៅរក្សាទុក ព្រោះរថយន្តបង្កបានបើករត់គេច បាត់ស្រមោលទៅហើយ៕
Source from: watphnom-news.com
Loading...
Post a Comment