សាំយ៉ុងដឹកប្រុសស្រីជាង ១០នាក់ ដាច់រ៉ូទីលវេចង្កូតទៅបុកបង្គោលភ្លើង ក្រឡាប់ផ្ងាជើង
ខេត្តបន្ទាយមានជ័យ៖គ្រោះថ្នាក់ចរាចរណ៍គួរឲ្យរន្ធត់មួយបានកើតឡើងកាលពីវេលាម៉ោង១២ថ្ងៃត្រង់ទី១៩ខែកុម្ភៈឆ្នាំ២០១៤លើកំណាត់ផ្លូវជាតិលេខ៦ខេត្តបន្ទាយមានជ័យ ៖ គ្រោះថ្នាក់ចរាចរណ៍គួរឲ្យរន្ធត់មួយ បានកើតឡើងកាលពីវេលាម៉ោង ១២ថ្ងៃត្រង់ទី១៩ ខែកុម្ភៈ ឆ្នាំ២០១៤ លើកំណាត់ផ្លូវជាតិលេខ៦ ខាងលិចភូមិរំដួល ចម្ងាយ ៤០០ម៉ែត្រ ស្ថិតក្នុងភូមិសាស្ត្រ ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ។
រថយន្តដែលបង្កគ្រោះថ្នាក់ ក្រឡាប់ដោយខ្លួនឯង ម៉ាកសាំងយ៉ុង ពណ៌ស ពាក់ស្លាកលេខ ភ្នំពេញ 2X-5820 បើកបរដោយឈ្មោះ ឈុន រដ្ឋា ភេទប្រុស អាយុ ២១ឆ្នាំ នៅភូមិដូង ឃុំបឹងរាំង ស្រុកកំរៀង ខេត្តបាត់ដំបង រងរបួសធ្ងន់ ត្រូវបានបញ្ជូន ទៅព្យាបាល នៅមន្ទីរពេទ្យ ហើយចំណែកម្ចាស់រថយន្ត ឈ្មោះ ជៃ សេង ភេទប្រុស អាយុ ៤០ឆ្នាំ នៅភូមិជាមួយ អ្នកបើកបរ ។
ម្ចាស់រថយន្តបានឲ្យដឹងថា រថយន្តនេះបានដឹក មនុស្សប្រុសស្រី ចំនួន ១០នាក់ មកពីឡែម ក្នុងភូមិសាស្ត្រ ស្រុកកំរៀង ខេត្តបាត់ដំបង ពេលមកដល់ ចំណុចកើតហេតុ បានដាច់រ៉ូទីល វេចង្កូតទៅបុកបង្គោលភ្លើងដែក ផ្តេកក្បែរផ្លូវ ជ្រុលឡើងទួល បណ្តាលឲ្យក្រឡាប់ផ្ងារជើង ហើយអ្នកបើកបររបួសធ្ងន់។ ចំណែកអ្នករួមដំណើរ រងរបួសបន្តិចបន្តួច ចំណែករថយន្ត ខូចខាតស្ទើរទាំងស្រុង ផ្នែកខាងមុខ និងបែកម៉ាស៊ីនខ្ទេច ៕
Source from: watphnom-news.com
Loading...
Post a Comment