ឡានក្រុងលួចដឹកឈើគ្រញូងភ្លេចចូលបង់លុយ ត្រូវសមត្ថកិច្ចដេញបង្ក្រាបយកស្នាដៃ
ខេត្តបន្ទាយមានជ័យ៖រថយន្តក្រុងមួយគ្រឿងមិនមានដាក់ស្លាកយីហោច្បាស់លាស់បានលួចដឹកឈើគ្រញូងរាប់សិបដុំចេញពីខេត្តសៀមរាបឆ្លងកាត់ខេត្តបន្ទាយមានជ័យខេត្តបន្ទាយមានជ័យ ៖ រថយន្តក្រុងមួយគ្រឿង មិនមានដាក់ស្លាកយីហោ ច្បាស់លាស់បានលួចដឹកឈើគ្រញូង រាប់សិបដុំចេញពី ខេត្តសៀមរាប ឆ្លងកាត់ខេត្តបន្ទាយមានជ័យ បម្រុងដឹកឆ្ពោះ ទៅរាជធានីភ្នំពេញ ត្រូវបានជំនាញរដ្ឋបាលព្រៃឈើខេត្តបន្ទាយមានជ័យ ឃាត់ចាប់បាន កាលពីព្រឹកថ្ងៃទី២០ ខែកុម្ភៈ ឆ្នាំ២០១៤ នៅលើកំណាត់ ផ្លូវជាតិលេខ៥ នៅត្រង់ចំណុច ខាងមុខមន្ទីរហិរញ្ញវត្ថុខេត្ត ស្ថិតនៅភូមិក្បាលស្ពាន សង្កាត់ព្រះពន្លា ហើយចំណែក អ្នកបើកបរ បានរត់គេចខ្លួន បាត់ស្រមោល ។
រថយន្តនិងឈើគ្រញូង ត្រូវបានបញ្ជូនមកកាន់ ខណ្ឌរដ្ឋបាលព្រៃឈើខេត្ត ដើម្បីយកមកចាត់ចែង តាមនីតិវិធីច្បាប់។ រថយន្តក្រុងខាងលើ មានពាក់ស្លាកលេខ ភ្នំពេញ ៣B-៩២៤១ បានលួចដឹកឈើគ្រញូង ចេញខេត្តសៀមរាប ឆ្ពោះទៅរាជធានីភ្នំពេញ ប៉ុន្តែពេលមកដល់ ចំណុចព្រំប្រទល់ ស្រុងក្រឡាញ់ខេត្តសៀមរាប និងស្រុកព្រះនេត្រព្រះ ខេត្តបន្ទាយមានជ័យ ក៏ត្រូវសមត្ថកិច្ច ចាប់ឃាត់តែម្តង។
មុនពេលកើតហេតុ រថយន្តក្រុងនោះ បានបើកបរឆ្លងកាត់ ចំណុចពួនស្ទាក់ របស់សមត្តកិច្ច នៅពេលនោះសមត្តកិច្ច កាក់ហៅឲ្យឈប់ ប៉ុន្តែរថយន្តក្រុង នោះ មិនឈប់ទេ បានបន្ថែមល្បឿន យ៉ាងលឿនចូលមក ទីរួមខេត្តបន្ទាយមានជ័យ ។ ខណៈនោះសមត្ថកិច្ច ក៏ប្រដេញតាមបង្ក្រាប ដោយរឹបអូស ឈើគ្រញូង បានចំនួន ៨៧ដុំ ស្មើនឹងជាង ១ម៉ែត្រគូប ហើយរថយន្តនិងឈើគ្រញូង ត្រូវសមត្ថកិច្ច កសាងសំណុំរឿង ចាត់ចែងតាមនីតិវិធី៕
Source from: watphnom-news.com
Loading...
Post a Comment