រកឃើញ​ភ័ស្ដុតាង​ដែល​ទាហាន​ស្រី​ល​ងា្ក ប្រព្រឹត្ត​បទឧក្រិដ្ឋ​កម្ម​សង្គ្រាម លើ​ពលរដ្ឋ​ស្លូតត្រង់​

Daily News, In Khmer, International News

2/07/2014 01:01:00 PM

រកឃើញភ័ស្ដុតាងដែលទាហានស្រីលងា្ក ប្រព្រឹត្តបទឧក្រិដ្ឋកម្មសង្គ្រាម លើពលរដ្ឋស្លូតត្រង់

ក្រុងកូឡុំបូ៖មេធាវីអន្តរជាតិមួយក្រុមកាលពីថ្ងៃអង្គារបាននិយាយថាក្រុមកម្លាំងសន្តិសុខស្រីលង្កាបានបំផ្លាញទីតាំង

ក្រុងកូឡុំបូ ៖ មេធាវីអន្តរជាតិមួយក្រុម កាលពីថ្ងៃអង្គារ បាននិយាយថា ក្រុមកម្លាំងសន្តិសុខ ស្រីលង្កា បានបំផ្លាញទីតាំង កប់សាកសពជនស៊ីវិល ទ្រង់ទ្រាយធំជាប្រព័ន្ធ និងបានអំពាវនាវឲ្យ អ.ស.ប ចាប់ផ្តើមការស៊ើបអង្កេត របស់ខ្លួនផ្ទាល់ចំពោះការរកឃើញរបស់ពួកគេ។ ក្រុមអង្គការក្រៅរដ្ឋាភិបាល និងប្រព័ន្ធផ្សព្វផ្សាយអន្តរជាតិ ត្រូវបានរារាំងមិនឲ្យធ្វើសាក្សី ពី រយៈពេលប៉ុន្មានខែចុងក្រោយ នៃសង្គ្រាមស៊ីវិល ២៥ឆ្នាំ របស់ស្រីលង្កា ខណៈកម្លាំងរដ្ឋាភិបាលបានផ្ដួលរំលំ ក្រុមខ្លាតាមិល នៅភាគខាងជើងប្រទេស ជាការប្រយុទ្ធគ្នាមួយ ដែលក្នុងនោះ អ.ស.ប.ជឿថា មនុស្ស ៤ម៉ឺននាក់ ត្រូវបានស្លាប់។

ក្រុមអ្នកស៊ើបអង្កេតអន្តរជាតិនោះ បាននិយាយថា ខ្លួនបានរកឃើញភ័ស្ដុតាង ដែលក្រុមជនស៊ីវិលត្រូវបានគេ យកជាគោលដៅ ទម្លាក់គ្រាប់បែកដោយចេតនា និងក្លាយជាកម្មវត្ថុ នៃឧក្រិដ្ឋកម្ម សង្គ្រាម ជាច្រើនទៀត នៅចន្លោះចុងឆ្នាំ២០០៨ និងចូលទៅក្នុងឆ្នាំ២០០៩។ ការរំលោភលើ ច្បាប់អន្តរជាតិ ត្រូវបានប្រព្រឹត្ត ដោយភាគីទាំងពីរ ប៉ុន្តែការស៊ើបអង្កេត បានរកឃើញភ័ស្តុតាងជាច្រើនបង្ហាញថា កម្លាំងសន្តិសុខស្រីលង្កា គឺមានការទទួលខុសត្រូវ ស្ទើរគ្រប់យ៉ាងក្នុងរឿងនេះ ក្នុងនោះ មានទាំងការធ្វើទារុណកម្មជាទូទៅ អំពើហិង្សាផ្លូវភេទ និងការបាត់ ខ្លួនដោយបង្ខំ។

ក្រុមអ្នកស៊ើបអង្កេត ក៏បានពណ៌នា ពីការបញ្ជា ដែលគេបានបង្កើតឡើង និងរចនាសម្ព័ន្ធគ្រប់គ្រង ដែលការចោទប្រកាន់ ពីបទឧក្រិដ្ឋកម្មប្រឆាំងមនុស្សជាតិ អាចត្រូវដាក់ពិន័យ ប្រឆាំងក្រុមមេបញ្ជាការយោធាជាន់ខ្ពស់ ក្រុមមន្ត្រីរដ្ឋាភិបាល និងសមាជិកនៃក្រុមខ្លាតាមិល។ របាយការណ៍ ដែលផ្តល់អាណត្តិ ក្រុមគោលនយោបាយច្បាប់អូស្ត្រាលី និងសរសេរដោយ ក្រុមអ្នកជំនាញស្ដីពី ច្បាប់ឧក្រិដ្ឋកម្មអន្តរជាតិ និងឧក្រិដ្ឋកម្ម សង្គ្រាម អន្តរជាតិ ក៏បានរកឃើញភ័ស្តុតាងថា ឧក្រិដ្ឋកម្មភាគច្រើន បន្តរហូតមកទល់នឹងសព្វថ្ងៃនេះ ដែលប្រព្រឹត្តដោយកម្លាំង ប្រដាប់អាវុធស្រីលងា្ក លើប្រជាជនស៊ីវិល។

សាស្ត្រាចារ្យច្បាប់អន្តរជាតិ នៃសាកលវិទ្យាល័យ Middlesex លោក William Schabas និងជាអ្នកនិពន្ធម្នាក់ នៃរបាយការណ៍នេះដែរនោះ បាននិយាយថា ក្ដីបារម្ភពិសេសមួយពេលនេះ គឺការប៉ុនប៉ងបិទបាំងពីឧក្រិដ្ឋកម្ម ដែលគេបានប្រព្រឹត្ត។ លោក Schabas បានថ្លែងថា ប្រហែលជាវាធ្វើឲ្យយើង មានការលំបាកក្នុងការបញ្ជាក់ពី ពិរុទ្ធភាពនោះ ព្រោះភ័ស្តុតាង ទាំងនោះត្រូវគេបំផ្លាញអស់ ប៉ុន្តែ ម្យ៉ាងវិញទៀត នៅពេលមនុស្ស បំផ្លាញភ័ស្តុតាងនោះ វាគឺដោយសារតែពួកគេដឹងថា ពួកគេបានធ្វើអ្វីម្យ៉ាងខុស។ ក្រុងវ៉ាស៊ីនតោន បានផ្តល់ជា សញ្ញាថា ខ្លួននឹងស្នើឲ្យមាន សេចក្តីសម្រេចចិត្ត អ.ស.ប មួយប្រឆាំងនឹង ឧក្រិដ្ឋកម្មសង្គ្រាម ដែលបានគេចោទប្រកាន់នេះ៕