មកធ្វើសំណង់លបចូលផ្ទះអ្នកភូមិ ប៉ងរំលោភប្រពន្ធគេ ត្រូវបុរសជាប្តីកាប់របួសធ្ងន់
ខេត្តកំពង់ចាម៖ដោយសារភ្លើងតណ្ហាដុតរោលបុរសម្នាក់បានលបចូលក្នុងផ្ទះអ្នកភូមិដែលខ្លួនមកធ្វើសំណង់ប៉ុនប៉ងរំលោភប្រពន្ធគេប៉ុន្តែសំណាងអាក្រក់ខេត្តកំពង់ចាម ៖ ដោយសារភ្លើងតណ្ហាដុតរោល បុរសម្នាក់បានលបចូល ក្នុងផ្ទះអ្នកភូមិ ដែលខ្លួនមកធ្វើសំណង់ ប៉ុនប៉ងរំលោភប្រពន្ធគេ ប៉ុន្តែសំណាងអាក្រក់ ត្រូវប្តីគេដឹងមុន និងកាប់ត្រូវក្បាល រងរបួសដេកពេទ្យ ហើយបុរសជាប្តី ត្រូវសមត្ថកិច្ចចាប់ខ្លួន ពីបទ ប្រើអំពើហិង្សា កាលពីវេលាម៉ោង ៨និង១១ នាទី យប់ថ្ងៃទី១៩ ខែកុម្ភៈ ឆ្នាំ២០១៤ នៅភូមិស្បែកគឺ ឃុំកណ្តោលជ្រុំ ស្រុកពញាក្រែក ខេត្តកំពង់ចាម ។
សមត្ថកិច្ចបានឲ្យដឹងថា មុនពេលកើតហេតុ ស្ត្រីរងគ្រោះឈ្មោះ យេង ស្រីនាង អាយុ ២៩ឆ្នាំ បានដឹងថា បុរសឈ្មោះ ឡេ ឡាយ អាយុ ២៥ឆ្នាំ បានលបចូលផ្ទះរបស់ខ្លួន ចំនួន ២ដងរួចមកហើយ ។ លុះនៅយប់កើតហេតុ នាងបានប្រាប់ប្តី របស់នាងឈ្មោះ ជុត កាន់ណា អាយុ ៣០ឆ្នាំ ឲ្យបានដឹងរឿង ហើយនៅវេលាម៉ោង ៨ យប់នោះ បុរសឈ្មោះ ឡេង ឡាយ បានលបចូលផ្ទះ នាងម្តងទៀងនេះ ក៏ត្រូវបុរសជាប្តី យកកាំបិតខ្វែវ កាប់ទៅលើឈ្មោះ ឡាយ ត្រូវចំក្បាលផ្នែកខាងឆ្វេង បណ្តាលឲ្យរងរបួសជាដំណំ។
ជនរងគ្រោះដែលលបចូលផ្ទះ អ្នកជិតខាងប៉ុនប៉ង រំលោភប្រពន្ធគេនោះ ត្រូវបានដឹកយកទៅព្យាបាល នៅមន្ទីរពេទ្យ ស្រុកពញាក្រែក ហើយបុរសជាម្ចាស់ផ្ទះ ក៏ត្រូវសមត្ថកិច្ច ឃាត់ខ្លួនពីបទ ប្រើអំពើហិង្សា ដើម្បីចងក្រងសំណុំរឿង បញ្ជូនទៅ សាលាដំបូង ដើម្បីចាត់ការបន្ត តាមនីតិវិធី។ សមត្ថកិច្ច បានឲ្យដឹងទៀតថា បុរសឈ្មោះ ឡាយ ដែលត្រូវម្ចាស់ផ្ទះកាប់នោះ មានស្រុកកំណើត នៅខេត្តព្រៃវែង ហើយមកស្នាក់នៅ ក្នុងភូមិកើតហេតុ ធ្វើជាកម្មករសំណង់ ៕
Source from: watphnom-news.com
Loading...
Post a Comment