ផឹកស៊ីស្រវឹងបោកកែវនៅក្នុងហាង សុខស៊ីនួន២ ហើយវាយតប់អ្នកដំណើរតាមផ្លូវ
រាជធានីភ្នំពេញ៖បុរសម្នាក់និងមន្ដ្រីនគរបាលម្នាក់បានរងរបួសខណៈដែលពួកគេកំពុងជិះម៉ូតូតាមផ្លូវហើយត្រូវក្រុមប្រមឹកមានគ្នា៥ទៅ៦រាជធានីភ្នំពេញ ៖ បុរសម្នាក់និងមន្ដ្រីនគរបាលម្នាក់ បានរងរបួសខណៈដែលពួកគេ កំពុងជិះម៉ូតូតាមផ្លូវ ហើយត្រូវក្រុមប្រមឹក មានគ្នា ៥ទៅ៦ នាក់ បានមកឈរលើផ្លូវ ចាំវាយអ្នកជិះម៉ូតូ បន្ទាប់ពីពួកគេបោកកែវ បោកចាន នៅក្នុងហាង សុខស៊ីនួន២ បង្កឲ្យមានការភ្ញាក់ផ្អើល កាលពីវេលាម៉ោង ១១និង៣០ នាទីយប់ថ្ងៃទី២០ ខែកុម្ភៈ ឆ្នាំ២០១៤ នៅចំណុចហាងផឹកស៊ីយីហោ សុខស៊ីនួន២ នៅតាមផ្លូវលេខ១៣៦ កែងផ្លូវលេខ១៩ ស្ថិតក្នុងសង្កាត់ ផ្សារកណ្ដាល២ ខណ្ឌដូនពេញ ។
សាក្សីនៅបានឱ្យដឹងថា នៅមុនពេលកើតហេតុ មានបុរសមួយក្រុមមានគ្នា ៥ទៅ៦ នាក់បាននាំគ្នាចូលផឹកស៊ី នៅក្នុងហាងខាងលើ លុះពេលពួកគេស្រវឹង ស្រាជោកជាំហើយនោះ ក៏បានបោកកែវស្រាដែលខ្លួនផឹក បណ្ដាលឱ្យមានការភ្ញាក់ផ្អើល ហើយឱ្យតែមានអ្នកបើកម៉ូតូ កាត់តាមផ្លូវមុខហាង ដែលពួកគេកំពុងផឹកនោះ គឺក្រុមប្រមឹកទាំងនោះ គិតតែពីស្រែកជេរ ដោយគ្មានកោតក្រែង អ្នកណាឡើយ ។
បន្ទាប់មកជនប្រមឹក ២នាក់បានឃាត់ម៉ូតូយុវជនរងគ្រោះ ហើយព្រួតគ្នាវាយ បណ្ដាលឱ្យរងរបួសតែម្ដង។ ឃើញដូច្នេះ នគរបាលព្រហ្មទណ្ឌ ខណ្ឌដូនពេញ ដែលស្លៀកពាក់ស៊ីវិល កំពុងឈរតាមគោលដៅក្បែរនោះ បានចូលទៅជួយអន្ដរាគមន៍ ក៏ត្រូវក្រុមជនប្រមឹកទាំងនោះ ព្រួតវាយទាំងមន្ដ្រីនគរបាល ហើយបាននាំគ្នារត់គេចខ្លួន បាត់ស្រមោលតែម្ដង ។ ក្រោយពេលកើតហេតុ សមត្ថកិច្ចបានចុះ មកជួយអន្ដរាគមន៍ និងសាកសួរជនរងគ្រោះ ពីព្រោះក្រុមជនដៃដល់ រត់បានគេចខ្លួនបាត់អស់ទៅហើយ ៕
Source from: watphnom-news.com
Loading...
Post a Comment