ហ្គារ៉ាសលាងរថយន្តយីហោ DN ធ្វេសប្រហែស ធ្វើឲ្យបាត់ កាមរីបាឡែន របស់ភ្ញៀវទាំងថ្ងៃ
រាជធានីភ្នំពេញ៖បុរសម្នាក់បានបាត់រថយន្តរបស់ខ្លួនម៉ាកកាមរីបាឡែនពណ៌ស្ករពាក់ស្លាកលេខបណ្តោះអាសន្ន៦៦៨១រាជធានីភ្នំពេញ ៖ បុរសម្នាក់បានបាត់រថយន្តរបស់ខ្លួន ម៉ាកកាមរីបាឡែន ពណ៌ស្ករ ពាក់ស្លាកលេខ បណ្តោះអាសន្ន ៦៦៨១ នៅពេលដែលយករថយន្ត ទៅលាងនៅហ្គារ៉ាស លាងរថយន្តមួយកន្លែង យីហោ DN ហើយឆៀងចូលទៅកាត់សក់កាលពីវេលាម៉ោង ៣និង៣០ នាទី ថ្ងៃទី៧ ខែមករា ឆ្នាំ២០១៤ បង្កឲ្យមានការភ្ញាក់ផ្អើល នៅតាមផ្លូវលេខ១២២ សង្កាត់មិត្តភាព ខណ្ឌ៧មករា រាជធានីភ្នំពេញ។
មុនពេលកើតហេតុ បុរសជាម្ចាស់រថយន្ត បានយករថយន្តរបស់ខ្លួន ទៅដាក់នៅកន្លែងលាង ហើយទំនងជា មិនចង់រងចាំយូរ ក៏បានទុកសោរថយន្ត ឲ្យម្ចាស់ហ្គារ៉ាស ចេញទៅកាត់សក់ មួយសន្ទុះ ពេលត្រឡប់ មកយករថយន្តវិញ នៅកន្លែងលាង តែមិនឃើញរថយន្តរបស់ខ្លួន ទើបស្រែកឆោឡោ ប្តឹងទៅសមត្ថកិច្ចឲ្យជួយដោះស្រាយ។ សមត្ថកិច្ចបានដាក់ ការសង្ស័យ ទៅលើកម្មករលាងរថយន្ត ដែលអាចលួចបន្លំ នៅពេលម្ចាស់រថយន្តមិននៅ ហើយមានភ្ញៀវញ៉េរញ៉ៃផងនោះ ក៏បើកចេញតែម្តង។
យ៉ាងណាក៏ដោយ ការបាត់បង់រថយន្តនេះ ត្រូវបានគេស្តីបន្ទោស ទៅលើម្ចាស់ហ្គារ៉ាស លាងរថយន្ត យីហោ DN នេះ មិនគួរធ្វេសប្រហែល ដល់ថ្នាក់ចោរមកលួច រថយន្តភ្ញៀវ មិនដឹងនោះទេ ហើយបើ ការបាត់រថយន្តនេះ ម្ចាស់ហ្គារ៉ាស់លាងរថយន្តខាងលើ មិនទទួលខុសត្រូវទៀតនោះ នឹងធ្វើឲ្យអតិថិជន បាត់ទំនុកចិត្ត លេងទៅលាងរថយន្ត ទីនោះទៀតហើយ។ ម្ចាស់រថយន្តខាងលើ សូមអំពាវនាវដល់អ្នកដំណើរតាមដងផ្លូវ បើបានឃើញរថយន្ត ដែលមានភិនភាគ និងស្លាកលេខ បណ្តោះអាសន្ន ៦៦៨១ មេត្តាជូនដំណឹង ដល់សមត្ថកិច្ចផង៕
Source from: watphnom-news.com
Loading...
Post a Comment