ប៉ូលីសសេដ្ឋកិច្ចក្រសួង សង្ស័យស្រវឹងធ្លាក់ភ្នែក បើកឡានបុកនិស្សិតម្នាក់ រងរបួសធ្ងន់
ខេត្តសៀមរាប៖រថយន្តឆ្លាមរបស់ប៉ូលីសសេដ្ឋកិច្ចក្រសួងមហាផ្ទៃម្នាក់ធ្វើដំណើរដោយប្រុសស្រី៣នាក់មកពីភ្នំពេញទៅកាន់ខេត្តសៀមរាបខេត្តសៀមរាប ៖ រថយន្តឆ្លាមរបស់ប៉ូលីស សេដ្ឋកិច្ចក្រសួងមហាផ្ទៃម្នាក់ ធ្វើដំណើរដោយប្រុសស្រី ៣ នាក់ មកពីភ្នំពេញទៅកាន់ខេត្តសៀមរាប ក៏រ៉េចង្កូតមកចិញ្ចើមផ្លូវ ជ្រុលទៅបុកម៉ូតូនិស្សិតម្នាក់ បណ្តាលឲ្យរងរបួសធ្ងន់បែកក្បាល និងបាក់ជើង ៣កំណាត់ រួចជ្រុលទៅបុករុញ ឡានកូរ៉េដឹកផ្លែឈើដែលចតនៅស្ងៀម ឲ្យទៅបុកម៉ូតូរ៉ឺម៉ករបស់ ម្ចាស់ឡានផ្លែឈើនេះ ទើបបើកទៅមុខលែងរួច បង្កឲ្យមានការភ្ញាក់ផ្អើល កាលពីវេលាម៉ោង ១១និង៣០ នាទីថ្ងៃទី៦ ខែកុម្ភ ឆ្នាំ២០១៤ ស្តិតនៅផ្លូវជាតិលេខ៦ មុខផ្សារលើធំថ្មី ក្នុងភូមិដកពោធី៍ សង្កាត់ស្លក្រាម ក្រុងសៀមរាប។
និស្សិតរងគ្រោះ មានឈ្មោះ គន់ គី ភេទប្រុស អាយុ ២០ឆ្នាំ មុខរបរជានិស្សិតឆ្នាំទី១ រៀននៅសកលវិទ្យាល័យយូស៊ី បច្ចុប្បន្នស្នាក់នៅភូមិ បន្ទាយចាស់ សង្កាត់ស្លក្រាម ក្រុងសៀមរាប បានរងរបួសធ្ងន់បែកក្បាល និងបាក់ជើងខាងឆ្វេង ៣កំណាត់ រួចត្រូវបានមិត្តភក្តិ ជួយដឹកយកទៅមន្ទីរពេទ្យឯកជន រស្មីសៀមរាប តែដោយសារ ស្ថានភាពធ្ងន់ធ្ងរពេក ក៏បញ្ជូនបន្តមក សង្គ្រោះនៅមន្ទីរពេទ្យ កាល់ម៉ែត។ ចំណែកម្ចាស់រថយន្តកូរ៉េ និងម៉ូតូរ៉ឺម៉ក មានឈ្មោះ អ៊ុង ប៊ុនសិទ្ធ ភេទប្រុស អាយុ៤៨ ឆ្នាំ មុខរបរលក់ផ្លែឈើ នៅមុខផ្សារលើធំថ្មី ស្នាក់នៅភូមិ ចុងកៅស៊ូសង្កាត់ ស្លក្រាម ក្រុងសៀមរាប មិនរងរបួសទេ ។
ចំណែករថយន្តបង្ក ម៉ាកកាមរីឆ្លាម ពណ៌ស្ករ ពាក់ស្លាកលេខ ២L-១០០២ ភ្នំពេញ បើកបរមកពីកើតទៅលិច ក្នុងល្បឿនលឿន ទំនងជាអ្នកបើកបរស្រវឹង ព្រោះគេឃើញ បើករេចង្កូតពេញផ្លូវ។ សាក្សីបានឲ្យដឹងថា ក្រោយពេលបង្កហេតុ គេឃើញបុរសម្នាក់ បានចូលទៅយកអីវ៉ាន់ ចេញពីក្នុងឡាន ឃើញសុទ្ធតែខោអាវប៉ូលីស មានស័ក្តិនិងមានកាំភ្លើង ១ ដើម ទៀតផង។ ជនបង្កត្រូវគេស្គាល់ ឈ្មោះ ស៊ាង សេរីភក្ត្រ័ ភេទប្រុស អាយុ ៤៤ឆ្នាំ មុខរបរជាប៉ូលីសសេដ្ឋកិច្ច ក្រសួងមហាផ្ទៃ ទើបតែផ្លាស់មកប្រចាំការ នៅខេត្តសៀមរាប៕
Source from: watphnom-news.com
Loading...
Post a Comment