ផ្កាយរណបចាប់បានរូបភាព គួរឲ្យសង្ស័យរាប់រយបំណែក នៅក្បែរចំណុចធ្លាក់យន្តហោះ
ក្រុងបាងកក៖កាសែតបាងកកប៉ុស្ដិ៍ចេញផ្សាយនៅថ្ងៃព្រហស្បតិ៍ទី២៧ខែមីនាបានបង្ហាញថាផ្កាយរណបថៃក្រុងបាងកក ៖ កាសែតបាងកកប៉ុស្ដិ៍ ចេញផ្សាយនៅថ្ងៃព្រហស្បតិ៍ ទី២៧ ខែមីនា បានបង្ហាញថា ផ្កាយរណបថៃ បានចាប់រូបភាពវត្ថុជាច្រើន ប្រមាណជា ៣០០ បំណែកនៅក្នុង មហាសមុទ្រឥណ្ឌា នៅក្បែរនឹងតំបន់ ស្វែងរកយន្តហោះម៉ាឡេស៊ី អ៊ែឡាញ MH-370 ដែលបានបាត់ដានចុងក្រោយ នៅទីនោះ ប៉ុន្តែប្រតិបត្តិការរុករក ត្រូវបានពន្យារពេល ដោយសារតែអាកាសធាតុដ៏អាក្រក់។
លោក Anond Snidvongs នាយកទីភ្នាក់ងារព័ត៌មាន និងអភិវឌ្ឍន៍ បច្ចេកវិជ្ជាអវកាស បានឲ្យដឹងថា វត្ថុប្រមាណ ៣០០ ទំហំផ្សេងៗគ្នា ត្រូវបានពិនិត្យឃើញពីផ្កាយរណបនៅ ភាគខាងត្បូងមហាសមុទ្រឥណ្ឌា ចម្ងាយប្រមាណ ២៧០០ គីឡូម៉ែត្រ ពីទីក្រុង Perth ប្រទេសអូស្ត្រាលី។ រូបភាពទាំងនោះ ត្រូវបានបង្ហាញដោយ ផ្កាយរណប Thiachote កាលពីថ្ងៃច័ន្ទ ហើយរយៈពេល ២ថ្ងៃនេះ ត្រូវបានបញ្ជូនឯកសារ ទៅកាន់អាជ្ញាធរម៉ាឡេស៊ី។
លោក Anond Snidvongs បានឲ្យដឹងទៀតថា វត្ថុទាំងនោះមានចម្ងាយ ប្រមាណ ២០០គីឡូម៉ែត្រ ពីតំបន់ដែលផ្កាយរណបបារាំង បានរកឃើញ១២២ បំណែក កាលពីថ្ងៃអាទិត្យ ហើយវានៅតែ មិនទាន់ច្បាស់ថា វត្ថុទាំងអស់នោះគឺជា បំណែកយន្តហោះ Boeing777 ជើងហោះហើរ MH-370 ដែលបាត់ដាន ចេញពីរ៉ាដាកាលពីថ្ងៃទី៨ ខែមីនា ឆ្នាំ២០១៤ ដោយបាននាំយកមនុស្សចំនួន ២៣៩នាក់ ទៅជាមួយផង៕
Source from: watphnom-news.com
Loading...
Post a Comment