ឡានវីហ្គោបោលបុកម៉ូតូស្លាប់បុរសម្នាក់ ហើយជ្រុលបុកផ្ទះប្រជាពលរដ្ឋ ក្រឡាប់ផ្ងារជើង
ខេត្តកណ្តាល៖រថយន្តវីហ្គោមួយគ្រឿងដែលគេសង្ស័យថាអ្នកបើកបរស្រវឹងស្រាបានបើកយ៉ាងលឿនតាមបណ្តោយផ្លូវជាតិលេខ៥១រេចង្កូតទៅខាងឆ្វេងដៃខេត្តកណ្តាល ៖ រថយន្តវីហ្គោមួយគ្រឿង ដែលគេសង្ស័យថា អ្នកបើកបរស្រវឹងស្រា បានបើកយ៉ាងលឿន តាមបណ្តោយផ្លូវជាតិលេខ៥១ រេចង្កូតទៅខាងឆ្វេងដៃ បុកដើមក្រខុបពីរដើម បាក់រាបដល់ដី ហើយបានបន្តទៅបុក ម៉ូតូមួយគ្រឿងបណ្តាលឲ្យអ្នកបើកម៉ូតូ ស្លាប់ភ្លាមៗមួយរំពេច ហើយបន្តទៅបុករះតូបលក់សាំង និងផ្ទះប្រជាពលរដ្ឋមួយខ្នង ទើបរថយន្តក្រឡាប់ផ្ងារជើង ទៅមុខលែងរួច កាលពីវេលាម៉ោង ២៣និង២០ នាទី យប់ថ្ងៃទី២៦ ខែមីនា ឆ្នាំ២០១៤ តាមបណ្តោយផ្លូវជាតិលេខ៥១ ស្ថិតក្នុងភូមិដំណាក់អំពិល ឃុំដំណាក់អំពិល ស្រុកអង្គស្នួល ខេត្តកណ្តាល ។
សាក្សីបានឲ្យដឹងថា រថយន្តបង្កហេតុម៉ាកវីហ្គោ ពណ៌ទឹកប្រាក់ ពាក់ស្លាកលេខ ភ្នំពេញ 2Y-9175 បើកបរដោយជន មិនស្គាល់អត្តសញ្ញាណ ក្រោយពីកើតហេតុ បានគេចខ្លួនបាត់ ។ ចំណែកជនរងគ្រោះ ដែលស្លាប់បាត់បង់ជីវិត មានឈ្មោះ ទឹម វិបុល ភេទប្រុស អាយុ ២៧ឆ្នាំ មានទីលំនៅ ក្នុងភូមិត្រពាំងឈើនាង ឃុំពើក ស្រុកអង្គស្នួល ជាអ្នកបើកបរម៉ូតូ ម៉ាកហុងដាឌ្រីម សេ១២៥ ស៊េរីឆ្នាំ២០១៣ ពណ៌ខ្មៅ ពាក់ស្លាកលេខ ភ្នំពេញ 1BE-7308 គ្មានបំពាក់កញ្ចក់មើលក្រោយ និងពាក់មួកការពារសុវត្ថិភាព ។
នៅមុនពេលកើតហេតុ រថយន្តវីហ្គោខាងលើ បានបើកបរយ៉ាងលឿន តាមបណ្តោយផ្លូវជាតិលេខ៥១ ក្នុងទិសដៅពីជើងទៅត្បូង ខណៈបើកដល់ចំណុចកើតហេតុ រថយន្តបានរេចង្កូតទៅខាងឆ្វេងដៃ បុកដើមក្រខុបពីរដើម នៅក្បែរចិញ្ចើមផ្លូវ បាក់រាបដល់ដី រួចបន្តទៅមុខបុកម៉ូតូមួយគ្រឿង ម៉ាកហុងដាឌ្រីម ដែលកំពុងបើកបរ ក្នុងទិសដៅពីត្បូងទៅជើង ធ្វើឲ្យអ្នកបើកបរម៉ូតូប៉ើងខ្ទាត ទៅបោកផ្ទប់ជាមួយបង្គោល ស្លាប់យ៉ាងអាណោចអាធ័ម ។ ក្រោយពីបុកម៉ូតូហើយនោះ រថយន្តបង្កនៅតែពុំទាន់អស់ល្បឿន ក៏បានបន្តទៅមុខបុករះ តូបលក់ប្រេងសាំង និងផ្ទះប្រជាពលរដ្ឋមួយខ្នង នៅក្បែចិញ្ចើមផ្លូវ បណ្តាលឲ្យរថយន្តក្រឡាប់ផ្ងារជើង ទៅមុខលែងរួចតែម្តង៕
Source from: watphnom-news.com
Loading...
Post a Comment