ល្បែងកន្ទុយលេខ បៀរអាប៉ោង បាល់ទាត់ រីកដូចផ្សិតនៅក្រុងបាត់ដំបង គ្មាននរណាបង្ក្រាប
ខេត្តបាត់ដំបង៖ល្បែងកន្ទុយលេខបៀរអាប៉ោងបាល់ទាត់កំពុងរីកដូចផ្សិតតាមដងផ្លូវក្នុងក្រុងបាត់ដំបងមិនមានសមត្ថកិច្ចបង្ក្រាបខេត្តបាត់ដំបង ៖ ល្បែងកន្ទុយលេខ បៀរអាប៉ោង បាល់ទាត់ កំពុងរីកដូចផ្សិតតាមដងផ្លូវ ក្នុងក្រុងបាត់ដំបង មិនមានសមត្ថកិច្ចបង្ក្រាប បែរជាចុះបង្ក្រាប វង់ល្បែងតូចតាច ដែលលួចលេងតាមដុបព្រៃ តាមស្រុក ឃាត់ខ្លួនមនុស្ស ៨នាក់និងម៉ូតូ ៤គ្រឿង កាលពីរសៀលថ្ងៃទី២៦ ខែមីនា ឆ្នាំ២០១៤ នៅចំណុចភូមិឃុំអន្លង់វិល ស្រុកសង្កែ ខេត្តបាត់ដំបង។
សមត្ថកិច្ចនគរបាល ការិយាល័យព្រហ្មទ័ណ្ឌកំរិតស្រាល បានអោយដឹងថា ក្រុមអ្នកញៀនល្បែងប្រុស ស្រីចំនួន ៦នាក់ ចំណោម ៨នាក់ ដែលឃាត់ខ្លួនមានទី១- ឈ្មោះ យឿម ធួក ភេទស្រី អាយុ ៤៥ឆ្នាំ, ២-ឈ្មោះ ដន មុំ ភេទស្រី អាយុ ២៩ឆ្នាំ, ៣-ឈ្មោះ តាំង ប៊ុនហៀង ភេទប្រុស អាយុ ៥២ឆ្នាំ, ៤-ឈ្មោះ ហូត សំបឿន ភេទប្រុស អាយុ ៣៥ឆ្នាំ, ៥-ឈ្មោះ ធឿប ស៊ីម៉ុត ភេទប្រុស អាយុ ៤៧ឆ្នាំ និង៦-ឈ្មោះ ប៉ាង សាភឿត ភេទប្រុស អាយុ ៥២ឆ្នាំ។ ដោយឡែកឈ្មោះ សាំង សាវៀង ភេទប្រុស អាយុ ៣០ឆ្នាំ ជាមេខ្លោងនិងស្ត្រីម្នាក់ មានកូនតូចបានដោះលែង តាំងពីល្ងាចថ្ងៃទី២៦ ខែមីនា ឆ្នាំ២០១៤។
អ្នកបើកល្បែង និងអ្នកលេង បានអោយដឹងថា ទោះជាដឹងថាខុសច្បាប់ក៏ដោយ ពួកគាត់ខំនាំគ្នាទៅលេង អោយឆ្ងាយពីក្រុង កុំអោយគេឃើញ តែទីបំផុតត្រូវសមត្ថកិច្ច តាមចាប់ទៀត ហើយមុនបើកល្បែង បានបង់អោយនគរបាលប៉ុស្តិ៍ចំនួន ១០ម៉ឺនរៀល អាវុធហត្ថស្រុក ១៧ម៉ឺនរៀល នគបាលស្រុក ១០ម៉ឺន រៀលអង្ករ ១ការ៉ុង ការិយាល័យកំរិតស្រាល ២០ម៉ឺនរៀលនគរបាលកំរិតធ្ងន់ ១០ម៉ឺនរៀល ក្រុមខ្លាហោះ ២០ម៉ឺនរៀល។ ចំណែកល្បែង ក្នុងក្រុងបាត់ដំបង មានបៀរអាប៉ោង ចាក់បាល់ទាត់ តាមអ៊ិនធឺណែត និងកន្ទុយលេខ លេងតាមផ្លូវគ្មានលាក់បាំង ពីភ្នែកច្រមុះភ្ញៀវជាតិ និងអន្តរជាតិផង ម្តេចមិនបង្ក្រាប។
ជាពិសេសវង់អាប៉ោងរបស់ឈ្មោះ ម៉េង បើកលេងចាញ់ឈ្នះ រាប់ម៉ឺនដុល្លារ នៅភូមិកម្មករ សង្កាត់ស្វាយប៉ោ ក្រុងបាត់ដំបង។ វង់បៀរអាប៉ោង នៅផ្ទះតាឌី បើកលេងយ៉ាងគគ្រឹកគ្រេង នៅភូមិអូរតាគាំ សង្កាត់ទួលតាឯក។ កន្ទុយលេខ តាមដងផ្លូវរាប់រយកន្លែង និងកន្លែងលក់ភ្នាល់បាល់ទាត់ ដឺថែម (the time) ដែលមានម្ចាស់ឈ្មោះ ជុំ ហ៊ុន បើកលេងយ៉ាងសប្បាយ គ្មានអ្នកបង្ក្រាប ប្រហែលជាបនល្បែងទាំងនេះ បង់ប្រាក់ច្រើនជាង អ្នកលេងតាមស្រុក ឬយ៉ាងណា ?
ពាក់ព័ន្ធករណីនេះលោក ស ថេត ស្នងការនគរបាល ខេត្តបាត់ដំបង កាលពីប្រឹកថ្ងៃទី២៧ ខែមីនា ឆ្នាំ២០១៤ បានបញ្ជាក់ថា ជនសង្ស័យលេងល្បែងទាំង ៦នាក់ សមត្ថកិច្ចត្រូវកសាងសំណុំរឿង បញ្ជូនទៅកាន់តុលាការ ហើយចំពោះបនល្បែងមួយចំនួន ក្នុងក្រុងបាត់ដំបងលោកនិងអោយកម្លាំង ចុះបង្ក្រាបដូចភ្លៀងរលឹម ព្រោះលោកមិនបាន ទទួលប្រាក់ពីអ្នកល្បែងទាំងនោះឡើយ៕ ដោយ សុខជា
Source from: watphnom-news.com
Loading...
Post a Comment