ឌុបគ្នាទៅទិញស្រាមកផឹកបន្ត ជ្រុលទៅបុកឡានធ្លាយពោះវៀន បែកថ្លើមស្លាប់ភ្លាមៗ
រាជធានីភ្នំពេញ៖យុវជន២នាក់បានស្លាប់បាត់ជីវិតម្នាក់ស្លាប់នៅនឹងកន្លែងនិងម្នាក់ទៀតស្លាប់ក្រោយពេលដឹកបញ្ជូនដល់មន្ទីរពេទ្យរាជធានីភ្នំពេញ ៖ យុវជន ២នាក់បានស្លាប់បាត់ជីវិត ម្នាក់ស្លាប់នៅនឹងកន្លែង និងម្នាក់ទៀតស្លាប់ ក្រោយពេលដឹកបញ្ជូន ដល់មន្ទីរពេទ្យ បន្ទាប់ពីផឹកស៊ីស្រវឹង ហើយជិះម៉ូតូឌុបគ្នា ទៅរកទិញស្រាមកផឹកបន្ត បានជ្រុលទៅបុករថយន្ត ដែល បើកច្រាសទិសគ្នា កាលពីវេលាម៉ោង ១១យប់ ថ្ងៃទី២២ ខែមិនា ឆ្នាំ២០១៤ ស្ថិតនៅតាមបណ្តោយ ផ្លូវជាតិលេខ៣ មុខផ្ទះសំណាក់ភ្នំមាស ក្នុងភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ។
សមត្ថកិច្ចបានឲ្យដឹងថា ជនរងគ្រោះ ដែលស្លាប់បាត់ជីវិត ទី១-ឈ្មោះ សូត្រ វុទ្ធី ភេទប្រុស អាយុ ២៦ឆ្នាំ មុខរបរកម្មកររោងចក្រ មានស្រុកកំណើត នៅភូមិវល្លិន័យ ឃុំស្រែននោង ស្រុក ត្រាំកក់ ខេត្តតាកែវ ជាអ្នកបើកបរម៉ូតូ ស្លាប់ភ្លាមៗនៅកន្លែងកើតហេតុ ។ ទី២-ឈ្មោះ ទន់ រ៉ូប៊ែរ ភេទប្រុស អាយុ ១៩ឆ្នាំ ជានិស្សិតឆ្នាំទី១ សំណង់ស្ថាបត្យកម្ម រស់នៅភូមិវត្តស្លែង សង្កាត់ ពងទឹក ខណ្ឌដង្កោ ។
សាក្សីបានឲ្យដឹងថា នៅមុនពេលកើតហេតុ យុវជនរងគ្រោះទាំង ២នាក់ ជិះម៉ូតូម៉ាកសេ១២៥ សេរី២០០៥ ឡើងតែម២០១០ ពណ៌ក្រហម ពាក់ស្លាកលេខ តាកែវ 1E-5993 ក្នុងទិសដៅពីត្បូងទៅជើង បើកយ៉ាងលឿន ក្នុងស្ថានភាពស្រវឹងជោគជាំ លុះមកដល់ចំណុចកើតហេតុ បានបើកវារថយន្តកូរ៉េ ១,៥តោន មិនចាំស្លាកលេខ បើកពីត្បូងទៅជើង ស្របទិសគ្នា បណ្តាលឲ្យម៉ូតូរេចង្កូត ជ្រុលទៅបុកចំពីមុខរថយន្តម៉ាក ស៊ីអ័រវី ពណ៌ទឹកប្រាក់ ពាក់ស្លាកលេខ ភ្នំពេញ 2L-7114 ជិះដោយស្ត្រី ៤នាក់ នាំឲ្យអ្នកបើកបរម៉ូតូ បោកផ្ទប់ជាមួយកញ្ចក់រថយន្ត ស្លាប់ភ្លាមៗតែម្តង។
ចំណែកអ្នករួមដំណើរ បានរងរបួសធ្ងន់ធ្ងរ បាក់ជើងទាំង២ មុតធ្លាយពោះវៀន និងដាច់ថ្លើមខ្ទាតចេញមកក្រៅមួយដុំ ម៉ូតូផ្លោងខ្ទាតជាង ១០ម៉ែត្រ ខ្ទេចស្ទើរតែទាំងស្រុង ចំណែករថយន្ត រយះខ្ទេចមុខខាងស្តាំ និងបែកកញ្ចក់។ ក្រោយកើតហេតុ ស្ត្រីទាំង ៤នាក់ នាំគ្នារត់គេចខ្លួនបាត់ស្រមោល។ សាកសពជនរងគ្រោះទាំង ២នាក់ ក្រោយពេលសមត្ថកិច្ចជំនាញ ធ្វើការពិនិត្យរួចរាល់ហើយនោះ បានប្រគល់ឲ្យក្រុមគ្រួសារ ដឹកយកទៅធ្វើបុណ្យ តាមប្រពៃណីនៅផ្ទះរៀងៗខ្លួន៕
Source from: watphnom-news.com
Loading...
Post a Comment