ដើរផឹកស៊ីស្រវឹងរាល់ថ្ងៃ រហូតស្លាប់ចោលប្រពន្ធកូន ឡើងស្អុយរលួយក្នុងបុរីសន្តិភាព២
រាជធានីភ្នំពេញ៖សាកសពបុរសម្នាក់បានស្លាប់នៅក្នុងផ្ទះរហូតធុំក្លិនស្អុយត្រូវប្រជាពលរដ្ឋរស់នៅក្បែរខាងបានប្តឹងសមត្ថកិច្ចមូលដ្ឋាននិងហៅប្រពន្ធកូនរាជធានីភ្នំពេញ ៖ សាកសពបុរសម្នាក់បានស្លាប់ នៅក្នុងផ្ទះរហូតធុំក្លិនស្អុយ ត្រូវប្រជាពលរដ្ឋ រស់នៅក្បែរខាង បានប្តឹងសមត្ថកិច្ចមូលដ្ឋាន និងហៅប្រពន្ធកូន ជនរងគ្រោះមកផ្ទះ ដើម្បីគាស់ទ្វារផ្ទះមើល ឃើញសាកសពបុរសម្នាក់ បានស្លាប់ហើមស្អុយរលួយពេញផ្ទះ បង្កឲ្យមានការភ្ញាក់ផ្អើល កាលពីវេលាម៉ោង ៤និង៣០ នាទីរសៀល ថ្ងៃទី២៦ ខែមីនា ឆ្នាំ២០១៤ ស្ថិតនៅក្នុងបុរីសន្តិភាព២ សង្កាត់ចោមចៅ ខណ្ឌពោធិ៍សែនជ័យ ។
សាកសពជនរងគ្រោះមានឈ្មោះ ស៊ឹម លឹម អាយុ ៤២ឆ្នាំ ស្នាក់នៅបុរីកើតហេតុខាងលើ មានប្រពន្ធឈ្មោះ ឡាយ ណារី អាយុ ៤០ឆ្នាំ មុខរបរកម្មកររោងចក្រ។ មុនពេលកើតហេតុប្រជាពលរដ្ឋ ដែលរស់នៅក្បែរផ្ទះជនរងគ្រោះ មិនបានឃើញជនរងគ្រោះ ចេញពីផ្ទះរយៈពេល ២-៣ ថ្ងៃមកហើយ។ លុះមកដល់ថ្ងៃកើតហេតុ ស្រាប់តែធុំក្លិនស្អុយ ចេញពីផ្ទះជនរងគ្រោះ ក៏មានការសង្ស័យ ហើយបានប្តឹងទៅសមត្ថកិច្ចមូលដ្ឋាន ទូរស័ព្ទហៅប្រពន្ធ និងកូនជនរងគ្រោះ ឲ្យវិលត្រឡប់មកផ្ទះវិញ។
នៅពេលសមត្ថកិច្ចនិងក្រុមគ្រួសារ បានបើកទ្វារផ្ទះ ក៏ឃើញសាកសពជនរងគ្រោះ បានដេកស្លាប់ស្អុយរលួយ បាត់ទៅហើយ ។ ប្រពន្ធជនរងគ្រោះបានឲ្យដឹងថា ជារៀងរាល់ថ្ងៃប្តីរបស់គាត់ តែងតែហូបស្រាស្រវឹងរាល់ថ្ងៃ ហើយបានទូរស័ព្ទប្រាប់គាត់ថា គាត់ចេះតែរាក ២-៣ ថ្ងៃទៅហើយ តែប្រពន្ធគាត់និងកូនរវល់ធ្វើការ មិនបានមកមើលប្តី និងឳពុកឡើយ ។ លុះមកដល់ថ្ងៃកើតហេតុ ស្រាប់តែប្តីរបស់គាត់បានស្លាប់ បាត់ទៅហើយ ។ ក្រោយពេលធ្វើកោសល្យវិច័យ សាកសពជនរងគ្រោះ ត្រូវបានសមត្ថកិច្ចនគរបាល ខណ្ឌពោធិ៍សែនជ័យ ប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី ៕
Source from: watphnom-news.com
Loading...
Post a Comment