លួចម៉ូតូជាងផ្សារដែកយកទៅលាក់ទុក ត្រូវប៉ូលីសហៅមកសាកសួរ ឈានដល់ការឃាត់ខ្លួន
ខេត្តកណ្តាល៖កម្មករផ្សារដែកម្នាក់ត្រូវនគរបាលសាកសួររហូតឈានដល់ការឃាត់ខ្លួនតែម្តងបន្ទាប់ពីជនសង្ស័យបានសារភាពថាខេត្តកណ្តាល ៖ កម្មករផ្សារដែកម្នាក់ ត្រូវនគរបាលសាកសួរ រហូតឈានដល់ការ ឃាត់ខ្លួនតែម្តង បន្ទាប់ពីជនសង្ស័យ បានសារភាពថា បានធ្វើសកម្មភាពលួចម៉ូតូ អ្នកភូមិយកទៅលាក់ទុក នៅក្នុងផ្ទះរបស់ខ្លួន កាលពីវេលាម៉ោង ១១និង២៥នាទីថ្ងៃទី២៥ ខែមីនា ឆ្នាំ២០១៤ ស្ថិតនៅក្នុងភូមិពងទឹក ឃុំដំណាក់អំពិល ស្រុកអង្គស្នួល ខេត្តកណ្តាល។
ជនសង្ស័យមានឈ្មោះ រ័ត្ន ភារុណ ហៅ ទ័រ ប្រុសអាយុ ១៨ឆ្នាំ នៅភូមិព្រៃគោល ឃុំលំហាច ស្រុកអង្គស្នួល ខេត្តកណ្តាល រីឯជនរងគ្រោះមានឈ្មោះ ស៊ីម សំណាង ភេទប្រុស អាយុ២៣ ឆ្នាំ នៅភូមិជ្រៃមង្គល ឃុំដំណាក់អំពិល ស្រុកអង្គស្នួល ខេត្តកណ្តាល ហើយម៉ូតូដែលជនសង្ស័យ លួចបានសម្រេចនោះ ម៉ាកសេគុបជ្រុង ពណ៌ទឹកបិច ពាក់ស្លាកលេខ ផ.២៨៥៨ ភព១ ។
មុនពេលកើតហេតុ ជនរងគ្រោះបានទុកម៉ូតូចោល នៅខាងមុខកន្លែងផ្សារដែក ខណៈដែលជនរងគ្រោះ ធ្វើការបានមួយសន្ទុះ ងាកមករកម៉ូតូ ស្រាប់តែមិនឃើញ សង្ស័យមានចោរលួចម៉ូតូ ក៏មកប្តឹងនគរបាល ឲ្យជួយអន្តរាគមន៍។ គ្រាន់តែទទួលបានពាក្យបណ្តឹង នគរបាលសង្ស័យ ទៅលើមុខសញ្ញាចាស់ ទើបទៅសាកសួរ ចាក់ឬសចាក់គល់ ទើបជនសង្ស័យសារភាពថា ខ្លួនជាអ្នកលួចម៉ូតូ ឈានដល់ការឃាត់ខ្លួនតែម្តង៕
Source from: watphnom-news.com
Loading...
Post a Comment