ស្ថានីយទូរទស្សន៍ អាស៊ីអគ្នេយ៍ ប្រកាសបើកការប្រកួតប្រដាល់ មិត្តភាពអន្តរជាតិ ជាផ្លូវការ
រាជធានីភ្នំពេញ៖នៅព្រឹកថ្ងៃទី២៤ខែមីនាឆ្នាំ២០១៤នេះស្ថានីយទូរទស្សន៍អាស៊ីអគ្នេយ៍រាជធានីភ្នំពេញ ៖ នៅព្រឹកថ្ងៃទី២៤ ខែមីនា ឆ្នាំ២០១៤ នេះ ស្ថានីយទូរទស្សន៍ អាស៊ីអគ្នេយ៍ បានធ្វើសន្និសីទសារព័ត៌មាន ស្តីពីការប្រកួតប្រដាល់ ក្បាច់បុរាណខ្មែរ លក្ខណៈមិត្តភាព អន្តរជាតិ និងបើកជាផ្លូវការ នូវការប្រកួតប្រចាំខែរបស់ខ្លួន ដែលចាប់ផ្តើមពីខែមីនា ដំបូងនៅថ្ងៃទី២៧ ខែមីនា ឆ្នាំ ២០១៤ខាងមុខនេះ នៅស្ថានីយទូរទស្សន៍ អាស៊ីអគ្នេយ៍។
ក្នុងសន្និសីទសារព័ត៌មាន ប្រដាល់ក្បាច់បុរាណខ្មែរ លក្ខណៈមិត្តភាពអន្តរជាតិ ដោយមានការអញ្ជើញ ចូលរួម ជាកិត្តិយសពីលោក ឧត្តមសេនីយ៍ឯក តែម ម៉ឺន ជាប្រធានសហព័ន្ធ កីឡាប្រដាល់កម្ពុជា លោក ម៉ិល កាដូ អគ្គនាយករង នៃអគ្គនាយកដ្ឋានកីឡា ក្រសួងអប់រំយុវជន និងកីឡា លោក ស្រ៊ិន ផល្លា ជាប្រធាន ផ្នែកលក់ក្រុមហ៊ុនភេជ្ជៈ ប៉ូវកម្លាំងបាកាស និងតំណាងក្រុមហ៊ុន ឧបត្ថម្ភនានា ព្រមទាំងកីឡាករជាច្រើនទៀត។
លោក ស្រ៊ិន ផល្លា ជាប្រធានផ្នែកលក់ ក្រុមហ៊ុនភេជ្ជៈ ប៉ូវកម្លាំងបាកាស មានប្រសាសន៍ថា ជាកិត្តិយសណាស់សម្រាប់ ក្រុមហ៊ុនភេជ្ជៈ ប៉ូវកម្លាំងបាកាស ដើរតួនាទីជាផ្នែកមួយ ដ៏ចំបងក្នុងបង្កើត នូវប្រដាល់ក្បាច់ គុណបុរាណ ខ្មែរ-អន្តរជាតិ ដំបូងនៅស្ថានីយ ទូរទស្សន៍ អាស៊ីអគ្នេយ៍។ ដោយប្រដាល់ក្បាច់គុណបុរាណ កំពុងតែបង្កើនប្រជាប្រិយភាព ល្បីល្បាញឥតឈប់ឈរ លើកម្រិតថ្នាក់ជាតិ ថ្នាក់តំបន់ និងឆាកអន្តរជាតិ ។ លោកបានបន្តថា ក្រុមហ៊ុនភេជ្ជៈប៉ូវកម្លាំងបាកាស ពិតជាមានសោមនស្ស រីករាយសហការ ជាម្ចាស់ឧបត្ថម្ភ និងធ្វើការយ៉ាងមុតមាំ ជាមួយស្ថានីយទូរទស្សន៍ អាស៊ីអគ្នេយ៍ និងសហព័ន្ធ កីឡាប្រដាល់កម្ពុជា ដើម្បីនាំយកនូវកីឡា ប្រដាល់ក្បាច់គុណបុរាណខ្មែរ អន្តរជាតិ ចាប់ពីពេលនេះតទៅ។
លោកឧត្តមសេនីយ៍ឯក តែម ម៉ឺន ប្រធានសហព័ន្ធ កីឡាប្រដាល់កម្ពុជា បានមានប្រសាសន៍ថា លោកគាំទ្រការប្រកួតប្រដាល់ ក្បាច់បុរាណខ្មែរ លក្ខណៈមិត្តភាពអន្តរជាតិ កីឡាករទាំងអស់ ត្រូវតែប្រឹងប្រែងឲ្យអស់ ពីសមត្ថភាពរបស់ខ្លួន មិនត្រូវធ្វើឲ្យខូចកម្មវិធី របស់ស្ថានីយទូរទស្សន៍ អាស៊ីអគ្នេយ៍ ចំណែកចៅក្រម អាជ្ញាកណ្ដាល ត្រូវតែបំពេញការងារ ដោយយុត្តិធម៌បំផុត។ លោកបានព្រមានដាក់ទណ្ឌកម្ម ចំពោះកីឡាករ ចៅក្រម អាជ្ញាកណ្ដាល ដែលបំពេញការងារ មិនយុត្តិធម៌សម្រាប់ ព្រឹត្តិការណ៍ការប្រកួត ខ្មែរលក្ខណៈ មិត្តភាព អន្តរជាតិនេះ ៕
Source from: watphnom-news.com
Loading...
Post a Comment