​មន្ត្រី​ប៉ូលីស​ជា​ម្ចាស់​អាជីវកម្ម​កែច្នៃ​ធុង​ហ្គាស ដែល​ផ្ទុះ​ស្លាប់​មេជាង​ម្នាក់ ខ្វះ​ការទទួលខុសត្រូវ

Daily News, In Khmer, sex, Sexy, Social News

3/24/2014 02:01:00 PM

មន្ត្រីប៉ូលីសជាម្ចាស់អាជីវកម្មកែច្នៃធុងហ្គាស ដែលផ្ទុះស្លាប់មេជាងម្នាក់ ខ្វះការទទួលខុសត្រូវ

ក្រុងប៉ោយប៉ែត៖បុរសម្នាក់ដែលរងរបួសដោយសារផ្ទុះធុងហ្គាសពេលកំពុងកែច្នៃធុងហ្គាសពីតូចទៅធំសម្រាប់ដាក់ក្នុងរថយន្តខ្វះការប្រុងប្រយ័ត្ន

ក្រុងប៉ោយប៉ែត ៖ បុរសម្នាក់ដែលរងរបួស ដោយសារផ្ទុះធុងហ្គាស ពេលកំពុងកែច្នៃធុងហ្គាស ពីតូចទៅធំ សម្រាប់ដាក់ក្នុងរថយន្ត ខ្វះការប្រុងប្រយ័ត្ន និងភ្លាត់ស្នៀត ត្រូវបានបងប្អូនបញ្ជូន ទៅសង្គ្រោះនៅមន្ទីរពេទ្យបង្អែក ក្រុងប៉ោយប៉ែតកាលពីថ្ងៃទី២១ ខែមីនា តែដោយគ្មានឧបករណ៍គ្រប់គ្រាន់ សម្រាប់វះកាត់ ទើបក្រុមគ្រូពេទ្យបញ្ជូនបន្ត ទៅព្យាបាលនៅ មន្ទីរពេទ្យខ្មែរសូវៀត ស្រុកមង្គលបុរី តែដោយសារតែរបួស មានភាពធ្ងន់ធ្ងរ រហូតដល់ម៉ោង ៥ល្ងាចថ្ងៃទី២៣ ខែមីនា ២០១៤ ជនរងគ្រោះបានស្លាប់បាត់បង់ជីវិត យ៉ាងអាណោចអាធ័មផំផុត ។

ជនរងគ្រោះមានឈ្មោះ នួន នឿន ភេទប្រុស អាយុ៣៦ ឆ្នាំ រស់នៅភូមិក្បាលកោះ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មានមុខរបជាជាង ជួសជុលធុងហ្គាស។ ការកែច្នៃធុងហ្គាស ខុសបច្ចេកទេសបែបនេះ អាជ្ញាធរមានសមត្ថកិច្ច គួរតែចុះទៅអប់រំ ណែនាំ ឬហាមឃាត់ មិនឲ្យកែច្នៃបន្ត ដើម្បីកុំឱ្យមានបញ្ហាកើតឡើង បង្កគ្រោះថ្នាក់ដល់អាយុជីវិតប្រជាពលរដ្ឋតទៅទៀត។ គួរកត់សម្គាល់ថា កន្លងមកករណីកែច្នៃធុងហ្គាស ដាក់ក្នុងរថយន្តបែបនេះ គឺធ្លាប់ផ្ទុះចំនួន ៣ដង មកហើយ រួមទាំងលើកនេះ ប៉ុន្តែពុំមានមនុស្សស្លាប់ ដូច ករណីខាងលើនេះទេ។

បើតាមប្រភពបានបង្ហើបប្រាប់ថា បុរសរងគ្រោះដែលបានស្លាប់នេះ មិនមែនជាម្ចាស់អាជីវកម្ម កែច្នៃធុងហ្គាសទេ គឺគ្រាន់តែជាជាង ស៊ីឈ្នួលគេប៉ុណ្ណោះ ចំណែកឯម្ចាស់អាជីវកម្ម កែច្នៃខាងលើនេះ ជាមន្ត្រីប៉ូលិសផ្នែកសន្តិសុខ នៃស្នងការខេត្តបន្ទាយមានជ័យ ។ បន្ទាប់ពីមានករណីខាងលើនេះ ទើបឃើញមានសមត្ថកិច្ច ហាមឃាត់រថយន្ត ដែលមានផ្ទុកហ្គាសលើសពី៦០ គីឡូក្រាម មិនអនុញ្ញាតឲ្យចូល ទៅដឹកហ្គាសគេចពន្ធ ពីប្រទេសថៃទៀតទេ ចំណែកកន្លែងកែច្នៃធុងហ្គាសខុសស្តង់ដា និងខុសបច្ចេកទេស ជាច្រើនកន្លែង អាជ្ញារមានសមត្ថកិច្ច ពុំទាន់ហាមឃាត់ ឬបិទអាជីវកម្មនៅឡើយទេ៕