ទៅឃ្វាលក្របីរៀនហែលទឹក លង់ស្លាប់យ៉ាងអាណោចអាធ័ម ក្នុងប្រឡាយមេទួលតាយោ
ខេត្តកណ្តាល៖យុវជនម្នាក់បានរៀនហែលទឹកជាមួយក្មេងៗក្នុងភូមិបណ្តាលឲ្យលង់ទឹកប្រឡាយជម្រៅប្រមាណមួយម៉ែត្រ ស្លាប់យ៉ាងអាណោចអាធ័មកាលពីវេលាម៉ោងខេត្តកណ្តាល ៖ យុវជនម្នាក់បានរៀនហែលទឹក ជាមួយក្មេងៗក្នុងភូមិ បណ្តាលឲ្យលង់ទឹកប្រឡាយ ជម្រៅប្រមាណមួយម៉ែត្រ ស្លាប់យ៉ាងអាណោចអាធ័ម កាលពីវេលាម៉ោង ១៦និង៣០ នាទី ថ្ងៃទី២៣ ខែមីនា ឆ្នាំ២០១៤ ចំណុចប្រឡាយមេ ទឹកទួលតាយោ ស្ថិតក្នុងភូមិព្រៃចាស់ ឃុំវិហាសួគ៌ ស្រុកខ្សាច់កណ្តាល ខេត្តកណ្តាល ។
យុវជនដែលលង់ទឹកស្លាប់ មានឈ្មោះ បេន ចន្ថា អាយុ ១៨ឆ្នាំ បុខរបរសិស្ស មានទីលំនៅភូមិព្រៃចាស់ ឃុំវិហាសួគ៌ ស្រុកខ្សាច់កណ្តាល ពុំចេះហែលទឹកទេ ហើយនៅមុនពេលកើតហេតុ បានទៅឃ្វាលក្របី ជាមួយក្មេងៗក្នុងភូមិ នៅចំណុចទួលតាយោ ។ បន្តាប់ពីឲ្យក្របីស៊ីស្មៅហើយនោះ យុវជនរងគ្រោះ ក៏បានដឹកក្របីចុះត្រាំទឹក ក្នុងប្រឡាយមេទឹក ហើយបានរៀនហែលទឹកលេង ជាមួយប្អូនប្រុស និងក្មេងៗដទៃទៀត ប្រមាណ ៤-៥ នាក់។
ខណៈដែលកំពុងហែលទឹកនោះ ក៏បានទាក់ជើង ជាមួយមែកអំពិលទឹក និងបន្លាធ្វើឲ្យយុវជនរងគ្រោះ ហែលទឹកមិនរួច ក៏លង់ទឹកស្លាប់តែម្តង។ បន្ទាប់មកប្អូនប្រុស ជនរងគ្រោះ និងក្មេងៗបាននាំគ្នារត់មកភូមិ ប្រាប់ឲ្យឪពុកម្តាយ ទៅជួយជនរងគ្រោះដែរ តែជាអកុលសពេលទៅដល់ ជនរងគ្រោះបានលង់ទឹក ស្លាប់បាត់ទៅហើយ ។ សាកសពជនរងគ្រោះ ត្រូវបានក្រុមគ្រួសារយកទៅធ្វើបុណ្យ តាមប្រពៃណី បន្ទាប់ពីសមត្ថកិច្ច បានពិនិត្យរួចរាល់៕
Source from: watphnom-news.com
Loading...
Post a Comment