បញ្ចូលហ្គាសឡានមិនមានបច្ចេកទេស ផ្ទុះលាន់ដូចគ្រាប់បែក ឆាបឆេះនិងរបួសម្ចាស់ផ្ទះ
ខេត្តបន្ទាយមានជ័យ៖មានករណីផ្ទុះធុងហ្គាសផ្ទុកក្នុងរថយន្តគ្មានស្តង់ដារខ្វះបច្ចេកទេសអំឡុងពេលបញ្ចូលហ្គាសកាលពីវេលាម៉ោង១៦ល្ងាចថ្ងៃទី២៥ខេត្តបន្ទាយមានជ័យ ៖ មានករណីផ្ទុះធុងហ្គាស ផ្ទុកក្នុងរថយន្តគ្មានស្តង់ដារ ខ្វះបច្ចេកទេស អំឡុងពេលបញ្ចូលហ្គាស កាលពីវេលាម៉ោង ១៦ល្ងាច ថ្ងៃទី២៥ ខែមេសា ឆ្នាំ២០១៤ ស្ថិតនៅភូមិខ្លាងាប់ ឃុំទួលពង្រ ស្រុកម៉ាឡៃ ខេត្តបន្ទាយមានជ័យបណ្តាលម្ចាស់ផ្ទះ ម្នាក់រងរបួសធ្ងន់។
សាក្សីបានឲ្យដឹងថា គេឃើញមានរថយន្តមួយគ្រឿង ចូលទៅចាក់ហ្គាស មិនទាន់នឹងពេញផង ស្រាប់តែមានអណ្តាតភ្លើង ឆាបចំចំណុចកន្លែងភ្ជាប់ ខាងក្រោយរថយន្ត ក៏បណ្តាលអោយភ្លើងឆេះឆាប រថយន្តបានបន្តិច ភ្លាមនោះអណ្តាតភ្លើង បន្តទៅឆាបឆេះត្រង់កន្លែង រក្សាធុងហ្គាស ក៏ផ្ទុះឮសូដូចគ្រាប់បែក ឆេះរាលដាលដល់ផ្ទះ ម្ចាស់លក់ហ្គាស និងបណ្តាលឲ្យម្ចាស់ផ្ទះ ឈ្មោះ ក្រូច ភីរ៉ុម អាយុ ៣៩ឆ្នាំ មានមុខលក់ហ្គាស រងរបួសធ្ងន់។
លោកវរសេនីយ៍ សៅ ប៊ុន អធិការស្រុកម៉ាឡៃ បានប្រាប់ឲ្យដឹងថា ករណីផ្ទុះធុងហ្គាសនេះ គឺបណ្តាលមកពី កន្លែងបញ្ចូលហ្គាស មិនមានបច្ចេកទេសត្រឹមត្រូវ ក្នុងការភ្ជាប់ប្រព័ន្ធ ណាមួយកន្លែងផ្ទុកគ្មានរបៀបនោះទេ។ លោកអធិការបានបន្តថា ភ្លើងឆេះផ្ទះបណ្តាលមកពី ឡានចាក់ហ្គាសផ្ទុះ ឆេះអស់ផ្ទះមួយខ្នង ឈើលើថ្មក្រោមទាំងស្រុង និងឡានមួយគ្រឿង របួសមនុស្សធ្ងន់ធ្ងរ៕
Source from: watphnom-news.com
Loading...
Post a Comment