សិប្បកម្មកែច្នៃឈើអត់ច្បាប់មួយកន្លែង ដុតកំទេចឈើហុយផ្សែង ប៉ះពាល់អ្នកជិតខាង
ខេត្តរតនគិរី៖សិប្បកម្មកែច្នៃគ្រឿងសង្ហារឹមមួយកន្លែងដែលមានទីតាំងស្ថិតនៅភូមិ១ហៅរង្វង់មូលយាយទូលចេកសង្កាត់កាចាញក្រុងបានលុងខេត្តរតនគិរី ៖ សិប្បកម្មកែច្នៃគ្រឿងសង្ហារឹម មួយកន្លែងដែលមានទីតាំង ស្ថិតនៅភូមិ១ ហៅរង្វង់មូល យាយទូលចេក សង្កាត់កាចាញ ក្រុងបានលុង ខេត្តរតនគិរី កំពុងតែប្រឈមមុខ និងការរិៈគន់យ៉ាងធ្ងន់ធ្ងរ ពីសំណាក់ប្រជាពលរដ្ឋ ដែលរស់នៅក្បែរ សិប្បកម្មខាងលើ ដោយសារតែសិប្បកម្មនេះ ពុំមានច្បាប់អនុញ្ញាតត្រឹមត្រូវ ពីមន្ត្រីជំនាញ សមត្ថកិច្ចពាក់ព័ន្ធ បង្កការរំខានអ្នករស់នៅជិតខាង តាមតែអំពើចិត្ត។
ប្រភពពីប្រជាពលរដ្ឋ រស់នៅក្បែររោងសិប្បកម្មខាងលើ បានឲ្យដឹងថា កាលពីវេលាម៉ោង ៤និង០០ នាទី ថ្ងៃទី០៥ ខែឧសភា ឆ្នាំ២០១៤ ម្ចាស់សិប្បកម្មនេះ បានប្រមូលកំទេចឈើ ជាពំនូកធំៗ ហើយដុតកណ្តាលវាល លើផ្ទៃដីរបស់ខ្លួន បណ្តាលអោយកំទេចឈើទាំងនោះ ឆេះហុយផ្សែងយ៉ាងទ្រលោម ងងិតមេឃ ហោះហើរទៅគ្រប់ទិសទី ប៉ះពាល់ទៅលើផ្ទះប្រជាពលរដ្ឋ រស់នៅជិតខាងយ៉ាងខ្លាំង ហើយកំទេចឈើទាំងនោះ គឺសុទ្ធសឹងជាប្រភេទឈើធ្នង់ដែលមានជាតិពុល អាចប៉ះពាល់ដល់ស្ត្រី ដែលទើបឆ្លងទន្លេរួចថ្មីៗ (ប៉ះពាល់ភ្នែក) ។ ប្រភពបានបន្តទៀតថា ម្ចាស់រោងសិប្បកម្មខាងលើ ត្រូវបានគេស្គាល់ឈ្មោះ រ៉ូត សារុន ភេទប្រុស ជនជាតិខ្មែរ មានទីលំនៅ ក្នុងភូមិឃុំខាងលើ មានមុខរបរលួចលាក់ បើករោងសិប្បកម្មកែច្នៃ គ្រឿងសង្ហារឹម ដោយគ្មានច្បាប់ទម្លាប់។
បើយោងតាមសំដី របស់មន្ត្រីជំនាញរដ្ឋបាលព្រៃឈើ ដែលសុំមិនបញ្ចេញឈ្មោះ បានអោយដឹងថា រោងសិប្បកម្មកែច្នៃខាងលើ គឺពិតជាគ្មានច្បាប់អនុញ្ញាត ត្រឹមត្រូវនោះទេ គ្រាន់តែជាមុខរបរតូចតាច ប្រចាំថ្ងៃតែប៉ុណ្ណោះ។ ទាក់ទងលើបញ្ហាខាងលើ ប្រជាពលរដ្ឋដែលទទួលរង នូវផ្សែងពុល ក៏បានរាយការណ៍ តាមទូរស័ព្ទទៅលោក សួន សាវុទ្ធ មេប៉ុស្តិ៍សង្កាត់កាចាញ ដោយលោកបាននិយាយថា លោកនិងចាត់តាំងមន្ត្រីក្រោមឱវាទ អោយចុះមកត្រួតពិនិត្យកន្លែងសិប្បកម្ម ខាងលើជាក់ស្តែង៕ ដោយ បានលុង
Source from: watphnom-news.com
Loading...
Post a Comment