លោក យស សុខា មេវរៈព្រំដែនលេខ៦០១ សប្បាយប្រមូលលុយពីក្រុមឈ្មួញ រកស៊ីដឹកទំនិញនិងឈើប្រណីត ឆ្លងកាត់ច្រកព្រំដែនជ្រៃធំ
ខេត្តកណ្តាល៖បច្ចុប្បន្ននេះក្រុមឈ្មួញរកស៊ីឈើប្រណីតខុសច្បាប់កំពុងធ្វើសកម្មភាពដឹកជញ្ជូនឈើយ៉ាងអនាធិបតេយ្យតាមផ្លូវជាតិលេខ21B-110ខេត្តកណ្តាល ៖ បច្ចុប្បន្ននេះក្រុមឈ្មួញ រកស៊ីឈើប្រណីតខុសច្បាប់ កំពុងធ្វើសកម្មភាព ដឹកជញ្ជូនឈើយ៉ាងអនាធិបតេយ្យ តាមផ្លូវជាតិលេខ 21B- 110 និងតាមផ្លូវទឹក ចុះតាមច្រកជ្រៃធំ ដោយមានលោក យស សុខា មេវរៈព្រំដែនលេខ៦០១ ឃុបឃិតជាមួយក្រុមឈ្មួញទាំងនោះ ដើម្បីប្រមូលលុយ ដាក់ហៅប៉ៅផ្ទាល់ខ្លួនតែ ហើយមិនថា តែការ ដឹកជញ្ជូនឈើប្រណីត ខុសច្បាប់នោះទេ សូម្បីទំនិញគ្រឿងទេសគ្រប់ប្រភេទ ក៏ត្រូវលោក យស សុខា គាបជំរិតឲ្យក្រុមឈ្មួញចូលបង់លុយ ដោយគ្មានការយោគយល់ផងដែរ។
ករណីក្រុមឈ្មួញធំៗ ដែលមករកស៊ីឈើប្រណីត និងទំនិញគ្រឿងទេស ទាំងស្របច្បាប់និងខុសច្បាប់ តាមផ្លូវគោកនិងផ្លូវទឹក តាមច្រកជ្រៃធំនេះ ត្រូវតែចូលខ្លួនឱនលំទោន ទាក់ទងចំពោះលោក យស សុខា ជាមុនសិនទើបមានវាសនាល្អ អាចរកស៊ីបានស្រួល តែបើសិនក្រុមឈ្មួញ ដែលបានរកស៊ីដឹកជញ្ជូនឈើ និងគ្រឿងទេចដូចខាងលើនេះ មិនបានទាក់ទង និងគោរពគាត់នោះទេ គឺលោក យស សុខា នឹងបញ្ជាឲ្យកូនចៅរបស់គាត់ ធ្វើសកម្មភាពចាប់ឃាត់ភ្លាមៗ ជាពិសេសគឺ ការដឹកជញ្ជូនឈើប្រណីតខុសច្បាប់តែម្តង សូម្បីតែ ដឹកឈើមួយកូនដុំ ក៏មិនអាចឆ្លងកាត់ព្រំដែននេះ បានឡើយ បើគ្មានភ្លើងខៀវពីលោក យស សុខា។
ចំណែកការដឹកជញ្ជូន ទំនិញគ្រឿងទេស គ្រប់ប្រភេទរបស់ឈ្មួញ ក៏ត្រូវចូលបង់លុយឲ្យលោក យស សុខា មិនអាចគេចវេសបានទេ ពីព្រោះលោក យស សុខា កំពុងតែសប្បាយ ក្នុងការប្រមូលលុយ ពីការដឹកជញ្ជូនទំនិញ គ្រប់ច្រកល្ហកតាមព្រំដែន ដែលឆ្លងកាត់តាមច្រកជ្រៃធំ។ សូម្បីតែប្រជាពលរដ្ឋ ចូលទៅទិញទំនិញផ្សេងៗ សំរាប់យកមកប្រើប្រាស់ក្នុងគ្រួសារ ក៏រងនូវការកោសរូស ឲ្យបង់លុយ ជូនមន្ត្រីរបស់លោក យស សុខា ជាមេបញ្ជាការវរៈការពារព្រំដែនលេខ៦០១ នេះដែរ បើមិនចូលបង់លុយ គាត់និងបញ្ជាឲ្យកូនចៅ ឃាត់សួរនាំរាប់ម៉ោង ជូនកាលអាចឃាត់ទុកចោល នាំឲ្យខូចខាត បាត់បង់ទំនិញក៏មានដែរ។
ប្រភពបានបន្តឲ្យដឹងទៀតថា បញ្ហាឈើប្រណីតខុសច្បាប់ របស់ក្រុមឈ្មួញធំៗដែល កំពុងធ្វើសកម្មភាព ដឹកជញ្ជូនតាមផ្លូវគោកនិងផ្លូវទឹក តាមច្រកជ្រៃធំ ចេញទៅប្រទេសវៀតណាម ដោយមានលោក យស សុខា ជួយសម្របសម្រួល និង សប្បាយប្រមូលលុយ ពីក្រុមឈ្មួញរកស៊ី ដឹកជញ្ជូនឈើប្រណីតខុសច្បាប់ យ៉ាងសុខស្រួល ដោយមិនខ្វល់ពីការអនុវត្ត បទបញ្ជាលេខ ០១-០២ របស់រដ្ឋាភិបាល ឬសេចក្តីណែនាំរបស់ថ្នាក់លើ ម្តងណាឡើយ។ លោក យស សុខា បែរជាឃុបឃិតជាមួយ ក្រុមឈ្មួញរកស៊ីដឹកជញ្ជូនទំនិញ ខុសច្បាប់គ្រប់ប្រភេទ ពិសេសឈើប្រណីត ចេញទៅប្រទេសវៀតណាម ជារៀងរាល់យប់ថ្ងៃ ហើយពាក់ព័ន្ធករណីនេះ វត្តភ្នំ បានព្យាយាមធ្វើការទាក់ទង តាម រយៈទូរស័ព្ទ ដើម្បីសុំការបំភ្លឺពីលោក យស សុខា ក៏ប៉ុន្តែទាក់ទងមិនបានឡើយ ដោយទូរស័ព្ទជាប់រវល់៕ ដោយ ព្រះច័ន្ទ
Source from: watphnom-news.com
Loading...
Post a Comment