បាត់ពីផ្ទះតាំងពីម៉ោង ២យប់ ព្រឹកឡើងប្រទះឃើញ ដេកស្លាប់ក្នុងទឹកភ្លៀងដែលដក់ក្នុងស្រែ
ខេត្តកំពង់ឆ្នាំង៖បុរសម្នាក់ត្រូវបានអ្នកភូមិប្រទះឃើញដេកស្លាប់ដោយផ្កាប់មុខក្នុងវាលស្រែដែលមានទឹកដក់ជម្រៅជាងមួយចំអាមកាលពីវេលាម៉ោង៦និង៣០ខេត្តកំពង់ឆ្នាំង ៖ បុរសម្នាក់ត្រូវបានអ្នកភូមិ ប្រទះឃើញដេកស្លាប់ ដោយផ្កាប់មុខក្នុងវាលស្រែ ដែលមានទឹកដក់ ជម្រៅជាងមួយចំអាម កាលពីវេលាម៉ោង ៦និង៣០ នាទីព្រឹកថ្ងៃទី១១ ខែឧសភា ឆ្នាំ២០១៤ នៅភូមិក្បាលថ្នល់ឃុំផ្សារ ស្រុកបរិបូណ៍ ខេត្តកំពង់ឆ្នាំង ហើយសមត្ថកិច្ចបានសន្និដ្ឋានថា ជនរងគ្រោះអាចស្លាប់ ដោយសាខ្យល់គពេលដើរ ហើយដួលឈ្លក់ទឹកស្រែ ដោយគ្មានអ្នកដឹង ក៏បណ្តាលឲ្យស្លាប់តែម្តង។
សាកសពបុរសរងគ្រោះ មានឈ្មោះ តេង យ៉ាន អាយុ ៥៤ឆ្នាំ មានប្រពន្ធឈ្មោះ ប៊ិន ហ៊ឹម អាយុ ៥៣ឆ្នាំ រស់នៅភូមិឃុំ កើតហេតុខាងលើ។ ស្ត្រីជាប្រពន្ធបានឲ្យដឹងថា ប្តីរបស់គាត់បាត់ពីផ្ទះ តាំងពីម៉ោង ២យប់មកម្ល៉េះ ហើយបាននាំគ្នាដើររកដែរ តែរកមិនឃើញនោះទេ រហូតដល់វេលាម៉ោងជាង ៦ព្រឹកថ្ងៃទី១១ ខែឧសភា អ្នកភូមិដឹកក្របីទៅចង ក៏ប្រទះឃើញសពប្តីរបស់គាត់ ដេកស្លាប់ក្នុងទឹកស្រែ រួចបានហៅគាត់ទៅមើល និងបានរាយការណ៍ទៅសមត្ថកិច្ច ឲ្យមកពិនិត្យធ្វើកោសល្យវិច្ច័យតែម្តង៕
Source from: watphnom-news.com
Loading...
Post a Comment