មេឈ្មួញ ព្រុំ ផន ដឹកឈើប្រណីតចេញពីសៀមប៉ាង តាមយីឌុបខ្នាតយក្ស សង្ស័យលើសប៉េសេ ដោយមានលោក លី គន ជួយសម្រួល
ខេត្តស្ទឹងត្រែង៖កម្លាំងចម្រុះដោយមានការចូលរួមពីលោកស្រីស៊ុនយ៉ើតព្រះរាជអាជ្ញារងសាលាដំបូងខេត្តបានធ្វើការឃាត់រថយន្តយីឌុបចំនួន៣គ្រឿងខេត្តស្ទឹងត្រែង ៖ កម្លាំងចម្រុះដោយមានការចូលរួម ពីលោកស្រី ស៊ុន យ៉ើត ព្រះរាជអាជ្ញារងសាលាដំបូងខេត្ត បានធ្វើការឃាត់រថយន្តយីឌុបចំនួន ៣គ្រឿង ដែលដឹកឈើប្រណិតប្រភេទធ្នង់ ចេញពីស្រុកសៀមប៉ាង កាលពីវេលាម៉ោង១៩និង៣០ នាទីយប់ថ្ងៃទី១១ ខែឧសភា ឆ្នាំ២០១៤ ស្ថិតក្នុងភូមិរាជានុកូល សង្កាត់-ក្រុង ស្ទឹងត្រែង ដោយមានការសង្ស័យថា ដឹកលើសច្បាប់ ដោយមានការត្រូវដៃត្រូវជើង ជាមួយលោកនាយផ្នែក រដ្ឋបាលព្រៃឈើ សៀមប៉ាង។
រថយន្តដឹកឈើ ៣គ្រឿង ដែលត្រូវបានសមត្ថកិច្ចឃាត់នោះ ត្រូវបានគេនិយាយថា ឈើទាំងនេះត្រូវបានមន្ត្រីបរិស្ថាន ចាប់ពីក្នុងតំបន់ឧទ្យានជាតិវរៈជ័យ និងបានធ្វើការដេញថ្លៃ នៅថ្នាក់ក្រសួង ហើយបានធ្វើការវាស់វែង ដោយមន្ត្រីជំនាញ ដឹកជញ្ជូនចេញពីស្រុកសៀមប៉ាង ត្រូវបានគេសង្ស័យ ដឹកលើសច្បាប់អនុញ្ញាត មកដល់ចំណុចផ្លូវបំបែក ទៅកាន់ស្ពានមេគង្គថ្មី ក៏ត្រូវបានកម្លាំងចម្រុះ ស្ទាក់ចាប់បានតែម្តង ដើម្បីធ្វើការត្រួតពិនិត្យ ។
ឈើប្រណិតទាំង ៣រថយន្តនេះ ត្រូវបានឈ្មោះ ព្រុំ ផន ជាម្ចាស់ឈើអះអាងថា ជាឈើមានច្បាប់ដេញថ្លៃពីថ្នាក់ក្រសួង និងមានការរត់ការតាមផ្លូវ ជាមួយមន្ត្រីបរិស្ថានម្នាក់ ឈ្មោះ វង្ស សុន ហៅធី យកលិខិតអនុញ្ញាត ចេញដោយលោក លី គន នាយផ្នែកសៀមប៉ាង បង្ហាញដល់សមត្ថកិច្ចតាមដងផ្លូវ ដែលនៅក្នុងលិខិតនោះ បានបញ្ជាក់ថា រថយន្តចំនួន ៣គ្រឿង ទី១-ពាក់ស្លាកលេខ កំពង់ចាម 3A-3080 ដឹកឈើ ១៤ម៉ែត្រគូប៥៤២ ទី២-ពាក់ស្លាកលេខ ភ្នំពេញ 3A-2737 ដឹកឈើ ២០ម៉ែត្រគូប៤២២ និងទី៣-ពាក់ស្លាកលេខ ភ្នំពេញ 3A-7755 ដឹកឈើ ១៨ម៉ែត្រគូប៦៨២ សរុបទាំង៣ រថយន្តមានចំនួន ៥៣ម៉ែត្រគូប៦៤៦ ហើយរថយន្តទាំង ៣គ្រឿង ក្នុងលិខិតអនុញ្ញាត សុទ្ធតែបញ្ជាក់ថា មានស្លាកលេខ តែរថយន្ត ២គ្រឿង គ្មានស្លាកលេខនោះទេ។
ដោយឡែកម្ចាស់ឈើ ពេលសមត្ថកិច្ចឃាត់រថយន្ត បាននិយាយថា សមត្ថកិច្ចធ្វើខុសនីតិវិធី ដោយគំរាមប្តឹង ពីការរំខានដល់ការងាររកស៊ីរបស់គេ តែពេលបញ្ជូនរថយន្ត មកដល់ស្នងការបាត់ម្ចាស់ឈើ មិនឃើញមកចូលរួម ធ្វើកំណត់ហេតុនោះឡើយ។ ឈើទាំង ៣រថយន្តនោះ ត្រូវបានគេប៉ាន់ប្រមាណថា អាចលើសពីច្បាប់អនុញ្ញាត មិនក្រោម ៥០ម៉ែត្រគូបនោះទេ។ រីឯការដាក់លើសបែបនេះ ត្រូវបានសមត្ថកិច្ចនិយាយថា មកពីមានការត្រូវរូវគ្នា ជាមួយលោក លី គន នាយផ្នែក និងមន្ត្រីជំនាញក្នុងខេត្ត ទើបអ្វីៗអាចដំណើរការ ដោយរលូនល្អ៕
Source from: watphnom-news.com
Loading...
Post a Comment