តម្លៃទំនិញហក់ឡើងខ្ពស់ នាំឲ្យមានការទាមទារឡើងប្រាក់ខែ ដើម្បីដោះស្រាយបញ្ហាក្រពះ
រាជធានីភ្នំពេញ៖បុគ្គលិកស្ថានីយប្រេងឥន្ធនៈកាល់តិចនៅរាជធានីភ្នំពេញដែលមានឯកសណ្ឋានដូចៗគ្នាមិនព្រមចូលធ្វើការងារស្ទើរគ្រប់ស្ថានីយទាំងអស់ដោយនាំគ្នាលើកបដាធ្វើកូដកម្មទាមទារប្រាក់ខែចំនួនរាជធានីភ្នំពេញ ៖ បុគ្គលិកស្ថានីយប្រេងឥន្ធនៈកាល់តិច នៅរាជធានីភ្នំពេញ ដែលមានឯកសណ្ឋានដូចៗគ្នា មិនព្រមចូលធ្វើការងារ ស្ទើរគ្រប់ស្ថានីយទាំងអស់ ដោយនាំគ្នាលើកបដាធ្វើកូដកម្ម ទាមទារប្រាក់ខែចំនួន ១៦០ដុល្លារ ប្រាក់ខែទី១៣និងឲ្យមានការ ជប់លៀងប្រចាំឆ្នាំ តាំងពីវេលាម៉ោង ៦និង៣០ នាទីព្រឹកថ្ងៃទី១២ ខែឧសភា ឆ្នាំ២០១៤ ធ្វើឲ្យស្ថានីយប្រេង កាល់តិច ផ្អាកបម្រើសេវាជូនអតិថិជន។
សមត្ថកិច្ច និងអាជ្ញាធរមូលដ្ឋាន ក៏បានចូលរួមការពារ សណ្តាប់ធ្នាប់សន្តិសុខ ហើយបុគ្គលិក នៅស្ថានីយស្ពាន ៧មករា ស្ថានីយប្រេងឥន្ធនៈផាកវ៉េ ស្ថានីយជ្រោយចង្វា ស្ថានីយបឹងត្របែក និងតាមបណ្តោយផ្លូវ សហព័ន្ធរុស្ស៊ី ទល់មុខក្រុមហ៊ុនអែតវូដ បាននិយាយថា ពួកគេត្រូវបានអ្នកចាត់ចែងការងារ ក្នុងក្រុមហ៊ុន តម្រូវឲ្យបំពេញការងារ ជាធម្មតាឡើងវិញ ចាំមានការដោះស្រាយ តាមសំណើរនៃការទាមទារ នេះជាក្រោយ ប៉ុន្តែពួកគេនៅតែបន្ត ធ្វើការតវ៉ាបើពុំមានដំណោះស្រាយណាមួយ ស្របច្បាប់ជាលាលលក្ខណ៍អក្សរ ។
ការធ្វើកូដកម្មទាមទារប្រាក់ខែ ធ្វើឡើងដោយស្ងាត់ស្ងៀម តាមរយៈការលើកបដា ដែលមានសំណូមពរចំនួន៣ គឺ១-សូមឲ្យមានប្រាក់ខែចំនួន ១៦០ដុល្លារ, ២-សុំឲ្យមានការប្រាក់ខែទី១៣ និង៣-សុំឲ្យមានកម្មវិធី ជប់លៀងប្រចាំឆ្នាំ ។ នេះជាចលនាថ្មីមួយទៀត នៃការតវ៉ា ទាមទារការដំឡើងប្រាក់ខែ បន្ទាប់ពីកម្មកររោងចក្រ កាត់ដេរសម្លៀកបំពាក់ និងស្បែកជើង ទាមទារដំឡើងប្រាក់ឈ្នួល ដល់ទៅ ១៦០ដុល្លារ។
អ្នកវិភាគសង្គម លោក សុខ ទូច មានប្រសាសន៍ថា ចលនានៃការតវ៉ា ទាមទារដំឡើងប្រាក់ឈ្នួលនេះ មិនមែនកើតឡើងដោយសារ កម្មកររោងចក្រកាត់ដេរ ទាមទារនោះទេ គឺដោយសារ តម្លៃទំនិញឡើងថ្លៃ នៅលើទីផ្សារ ដែលធ្វើឲ្យពួកគេ មិនអាចគ្រប់គ្រង ក្នុងការចាយវាយបាន។ លោកយល់ថា ប្រសិនបើមិនមាន ការគ្រប់គ្រងរបស់រដ្ឋាភិបាល ក្នុងការដំឡើងប្រាក់ខែ និងការធ្វើឲ្យ តម្លៃទំនិញតាមទីផ្សារចុះថ្លៃ ចលនាតវ៉ា នឹងកើតឡើង ជាបន្តទៀត៕
Source from: watphnom-news.com
Loading...
Post a Comment