ទទួលទានផ្លែប៉ោមអាចបំបាត់ក្លិនខ្ទឹមក្នុងមាត់
អស់លោកអ្នក ក្រោយពីទទួលទានខ្ទឹមរួចហើយតែងតែមានអារម្មណ៍ស្មុគស្មាញបន្តិចជាមួយក្លិនខ្ទឹមនៅក្នុងមាត់ ដោយសារសារធាតុគីមីនៅក្នុងខ្ទឹមឈ្មោះ Allyl Methyl Sulthide (AMS) ដែលមិនអាចបំបែកបាននាំឲ្យមានក្លិនចេញពីដង្ហើមនិងញើស។
ដើម្បីបំបាត់អារម្មណ៍សៅហ្មងបន្តិចបន្តួចរបស់អ្នកចូលចិត្តទទួលទានខ្ទឹមតែងបង្កឲ្យមានក្លិននៅក្នុងមាត់នោះ ក្រុមអ្នកស្រាវជ្រាវបានជ្រើសរើសអ្នកស្ម័គ្រចិត្តចូលរួមក្នុងការសិក្សាទទួលទានខ្ទឹមឆៅ និងត្រូវបានវាស់កម្រិតក្លិនខ្ទឹមនៅក្នុងដង្ហើម ។ បន្ទាប់មកអ្នកសិក្សាបានឲ្យពួកគេទទួលទានអាហារផ្សេងៗដែលគិតថា អាចជួយកម្ចាត់ក្លិនខ្ទឹមបាន ដើម្បីមើលប្រសិទ្ធភាពនៃការកម្ចាត់ក្លិនខ្ទឹមនៅក្នុងតារាងរង្វាស់ក្លិន ។
ជាលទ្ធផល ក្រុមអ្នកស្រាវជ្រាវអាមេរិកបានរកឃើញថា ក្នុងចំណោមអាហារទាំងឡាយដែលបានបរិភោគនោះ គឺផ្លែប៉ោម មានប្រសិទ្ធភាពខ្លាំងជាងគេ ដែលអាចបំបាត់ក្លិនខ្ទឹមក្នុងមាត់បាន ។ អ្នកស្រាវជ្រាវបានបញ្ជាក់ថា នៅគ្រប់អាហារដែលសម្បូរណ៍ទៅដោយសារធាតុគីមី ប្រភេទ Polyphenols គឺអាចកម្ចាត់ក្លិនខ្ទឹមបានក្នុងប្រសិទ្ធភាពខ្ពស់ ។
យោងតាមការសិក្សាស្រាវជ្រាវនេះដែរ សារធាតុអាស៊ីដ នៅក្នុងទឹកក្រូចឆ្មានិងជីអង្កាមក៏អាចជួយបំបាត់ក្លិនខ្ទឹមក្នុងមាត់ផងដែរ ៕
Source from: www.dtn7.com
Loading...
Post a Comment