ការបែកធ្លាយបញ្ជីរាយឈ្មោះក្រៅផ្លូវការនៃសមាជិកគណៈរដ្ឋមន្ត្រីអាណត្តិទី៥ នៅក្នុងបណ្តាញសង្គមហ្វេសប៊ុកនេះត្រូវបានលោកផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី បដិសេធ និង មិនទទួលស្គាល់ជាផ្លូវការនោះទេ។
លោកផៃ ស៊ីផាន មិនបានប្រាប់បញ្ចីឈ្មោះត្រឹមត្រូវរឺក៏អត់នោះទេ គ្រាន់បញ្ជាក់ថា ព្រោះបើតាមក្រឹតក្រមបញ្ជីឈ្មោះនេះ គឺស្ថិតក្នុងដៃសម្តេចនាយករដ្ឋមន្ត្រី ហ៊ុន សែន ឬលោកសាយ ឈុំ ហើយគឺ ត្រូវបានប្រកាសនៅក្នុងរដ្ឋសភា។
សំលេងៈ
យ៉ាងណាក៏ដោយបញ្ជីរាយឈ្មោះតួនាទី គណៈរដ្ឋមន្ត្រីអាណត្តិទី៥នេះ ត្រូវបានគេបង្ហោះព្រោងព្រៀតពេញបណ្តាញសង្គម ហ្វេសប៊ុក និងមានការលើកឡើងថា ពិតភាគច្រើន។
បើតាមបញ្ចីរាយឈ្មោះ ឧបនាយក រដ្ឋមន្ដ្រី មានចំនួន៩រូប ដូចអាណត្ដិទី៤ ដែរ រីឯរដ្ឋមន្ដ្រីក្រសួងផ្សេងត្រូវបានបង្ហាញឈ្មោះអមដោយរដ្ឋលេខាធិការ ដូចជា លោកទៀ បាញ់ រដ្ឋមន្ដ្រីក្រសួងការពារជាតិ ,លោក ស ខេងក្រសួងមហាផ្ទៃ, លោក សុខ អាន រដ្ឋមន្ដ្រី ទីស្ដីការគណៈរដ្ឋមន្ដ្រី, លោកហោ ណាំហុង រដ្ឋមន្ដ្រីក្រសួងការបរទេស។
លោក អូន ព័ន្ធមុនីរ័ត្នរដ្ឋមន្ដ្រី ក្រសួងសេដ្ឋកិច្ច, លោកអ៊ុក រ៉ាប៊ុន រដ្ឋមន្ដ្រី ក្រសួងកសិកម្ម, លោកថោង ខុនរដ្ឋមន្ដ្រី ក្រសួងទេសចរណ៍,លោក មិន ឃិន រដ្ឋមន្ដ្រីក្រសួងធម្មការ និង សាសនា,លោកស្រី អ៊ឹង កន្ថាផាវី រដ្ឋមន្ដ្រីក្រសួងកិច្ចការនារី។
លោកអ៊ិត សំហេង រដ្ឋមន្ដ្រីក្រសួងការងារ, លោក ប្រាក់ សុខុន រដ្ឋមន្ដ្រីក្រសួងប្រៃសណីយ៍ , មានលោកម៉ម ប៊ុន ហេង រដ្ឋមន្ដ្រីក្រសួងសុខាភិបាល , លោក វង សូត រដ្ឋមន្ដ្រីក្រសួងសង្គមកិច្ច,លោកលឹម គានហោរដ្ឋមន្ដ្រីក្រសួងធនធានទឹក។
លោកខៀវ កាញារីទ្ធ រដ្ឋមន្ដ្រីក្រសួងព័ត៌មាន,លោកអង្គវង្ស វឌ្ឍានា រដ្ឋមន្ដ្រីក្រសួងយុត្ដិធម៌,ក្រសួងទំនាក់ទំនងជាមួយព្រឹទ្ធសភា រដ្ឋសភា លោកស្រី ម៉ែន សំអន ជារដ្ឋមន្ដ្រី និងក្រសួងអភិវឌ្ឍន៍ជនបទ មានលោកជា សុផារ៉ា ជារដ្ឋមន្ដ្រី។(ដោយៈសៅ វិសាល)
Source from: Vayofm
Loading...
Post a Comment