ករណីស្លាប់របស់បុរសម្នាក់ នៅក្នុងការប៉ះទង្គិចរវាងប្រជាពលរដ្ឋ និង កម្លាំងសមត្ថកិច្ច កាលពីយប់ថ្ងៃទី១៥ កញ្ញាកន្លងទៅនេះ នៅស្ពានអាកាសក្បាលថ្នល់ ត្រូវបានក្រសួងមហាផ្ទៃបញ្ជាក់ថា សមត្ថកិច្ចកំពុងស៊ើបអង្កេត ដើម្បីរកមូលហេតុពិតប្រាកដ។លោក ខៀវ សុភ័គ អ្នកនាំពាក្យក្រសួងមហាផ្ទៃ បានប្រាប់វិទ្យុវាយោអែហ្វអឹមថា សមត្ថកិច្ចកំពុងស៊ើបអង្កេតរឿងនេះនៅឡើយ
សម្លេងលោក ខៀវ សុភ័គ
ចំពោះការចោទប្រកាន់ថា សមត្ថកិច្ច ជាអ្នកបាញ់បុរសនោះស្លាប់ លោក ខៀវ សុភ័គ បានឆ្លើយតបថា នៅយប់ថ្ងៃកើតហេតុនោះ កម្លាំងនគរបាល និង ប៉េអឹម មិនបានប្រើប្រាស់កាំភ្លើងនោះទេ គឺមានតែខែល ដំបង និង បាញ់គ្រាប់ផ្សែងតែប៉ុណ្ណោះ
សម្លេងលោក ខៀវ សុភ័គ
សូមរម្លឹកថា កាលពីយប់ថ្ងៃទី១៥ កញ្ញា ដែលជាថ្ងៃទី១នៃការធ្វើមហាបាតុកម្មអហិង្សារបស់គណបក្សសង្គ្រោះជាតិ មានការប៉ះទង្គិចគ្នា ដែលបង្កឲ្យផ្ទុះអំពើហិង្សា រវាងក្រុមប្រជាពលរដ្ឋ និង កម្លាំងសមត្ថកិច្ច ដែលបានបណ្តាលឲ្យ បុរសម្នាក់បានស្លាប់ភ្លាមៗនៅនឹងកន្លែង និងជាច្រើននាក់បានរងរបួស ព្រមទាំងប្រជាពលរដ្ឋប្រមាណជា១០ផ្សេងទៀតត្រូវបានចាប់ខ្លួនផងដែរ។បុរសដែលស្លាប់មានឈ្មោះ ម៉ៅ សុខច័ន្ទ អាយុ៣០ឆ្នាំ ជាកម្មករសំណង់។
Source from: Vayofm
Loading...
Post a Comment