លោកហ៊ូ វ៉ាន់ មន្ត្រីរៀបចំមហាបាតុកម្មរបស់គណបក្សសង្គ្រោះជាតិបានបញ្ជាក់ នៅថ្ងៃបញ្ចប់នៃការធ្វើមហាបាតុកម្មរបស់គណបក្សសង្គ្រោះជាតិថា មហាបាតុកម្មបានបញ្ចប់ហើយសម្រាប់បីថ្ងៃនេះ។
ប៉ុន្តែមិនប្រាកដថា គ្មានលើកក្រោយទេ លើកក្រោយនឹងមានជាបន្តបន្ទាប់ទៀត ហើយអាចនឹងមានការដង្ហែរក្បួនរបស់ក្រុមបាតុករបន្ថែមទៀត ប្រសិនបើគ្មានដំណោះស្រាយដែលអាចទទួលបានជាពិសេសការបង្កើតគណៈកម្មាពិសេសត្រួតពិនិត្យ ភាពមិនប្រក្រតី នៃការបោះឆ្នោត។
សំលេងៈ
លោកហ៊ូ វ៉ាន់ បានឲ្យដឹងថា មហាបាតុកម្មនៅទីលានប្រជាធិបតេយ្យរយៈពេលបីថ្ងៃនេះ គឺមហាបាតុកម្មបានប្រព្រឹត្តទៅដោយអហិង្សា។ ក្រុមបាតុករនៅរាជធានីភ្នំពេញ និងនៅតាមបណ្តាខេត្តគឺមានសុវត្ថិភាព បរិបូរណ៌ទាំងបញ្ហាសុខភាព និងសន្តិសុខ។
ប៉ុន្តែក៏មានបញ្ហាចោទមួយចំនួនដែរដូចជា ការដួលសន្លប់ការឈឺ និងបញ្ហាអនាម័យជាដើមតែបញ្ហាទាំងនេះមិនមែនជាបញ្ហាចោទធំឡើយ។
សំលេងៈ
គួរបញ្ចាក់ថា បើទោះបីជាមានជំនួបកំពូល២លើករវាងគណបក្សប្រជាជនកម្ពុជា និង គណបក្សសង្គ្រោះជាតិក៏ដោយ ប៉ុន្តែលទ្ធផលនៃជំនួបនោះនៅមិនបាន ឆ្លើយតបចំៗ ចំពោះអ្វីដែលគណបក្សប្រឆាំងទាមទារក្នុងមហាបាតុកម្មកន្លងមកនោះទេ។
យ៉ាងណាក៏ដោយកិច្ចជំនួបក៏បង្ហាញពីចំណុចវិជ្ជមានដែលធ្វើអោយកម្តៅនយោបាយថយចុះ។ ដូច្នេះបាតុកម្មរបស់គណបក្សសង្គ្រោះជាតិអាចកើតឡើងម្តងទៀតរឺក៏អត់គឺ អាស្រ័យលើការពិភាក្សានៃថ្នាក់ដឹកនាំនៃគណបក្សទាំងពីរ។(ដោយៈឆេង សូរិយា)
Source from: Vayofm
Loading...
Post a Comment