ទឹកប្រាក់ចំនួនជាង១លានដុល្លារ ដែលផ្តល់ដោយអង្គការសហប្រជាជាតិ និងម្ចាស់ជំនួយ គឺសម្រាប់ផ្តល់ដល់ភាគីជាតិនៅសាលាក្តីខ្មែរក្រហម សម្រាប់បើកប្រាក់ខែដល់បុគ្គលិកជាតិ រយៈពេល៣ខែ គិតចាប់ពីខែមិថុនាកន្លងមក។
បុគ្គលិកភាគីជាតិ នឹងទទួលបានប្រាក់ខែរបស់ខ្លូនវិញ ហើយបុគ្គលិកជាតិជាង១០០នាក់ ដែលបានឈប់សម្រាកពីការងារបណ្តោះអាសន្ន ចាប់តាំងពីដើមខែកញ្ញានឹងវិលមកបំពេញការងារឡើងវិញ នៅថ្ងៃព្រហស្បតិ៍ស្អែកនេះ។
នេះបើតាមការបញ្ជាក់ឲ្យដឹងពីលោកនេត្រ ភក្ត្រា អ្នកនាំពាក្យសាលាក្តីខ្មែរក្រហម។ លោកនេត្រ ភក្ត្រា បានបន្តថា សាលាក្តីខ្មែរក្រហមសូមស្វាគមន៍ចំពោះការផ្តល់នូវមូលនិធិសង្គ្រោះបន្ទាន់ ដែលមានទម្រង់ជាការឲ្យភាគីជាតិខ្ចី សម្រាប់ដោះស្រាយវិបត្តិថវិកាខាងភាគីជាតិ។
សំលេងៈ
ការសារទរនេះបានធ្វើឡើងបន្ទាប់ពី ភាគីអង្គការសហប្រជាជាតិក្នុងសាលាក្តីខ្មែរក្រហម នៅថ្ងៃនេះបានប្រកាសជូនដំណឹង។ ប៉ុន្តែយ៉ាងណាក៏ដោយលោក នេត្រ ភក្ត្រា បានបន្តថា ភាគីជាតិនៅសាលាក្តីចម្រុះនៅតែប្រឈមនឹងកង្វះថវិកា៣ខែទៀត ដែលគិតជាទឹកប្រាក់ប្រមាណ១,៨លានដុល្លារអាមេរិក សម្រាប់ដំណើរការចាប់ពីខែកញ្ញា ដល់បំណាច់ឆ្នាំ២០១៣។
គួរបញ្ជាក់ថា បុគ្គលិកជាតិប្រមាណ២៥០រូប មិនបានទទួលបានប្រាក់ខែ ៣ខែមក ហើយចាប់ពីខែមិថុនា ហើយមានបុគ្គលិកជាតិជាង១០០នាក់ បានសុំឈប់សម្រាកពីការងារបណ្តោះអាសន្នផងដែរ កាលពីដើមខែកញ្ញានេះ៕(ដោយៈឆេង សូរិយា)
Source from: Vayofm
Loading...
Post a Comment