ក្រោយពីមហាបាតុកម្មរបស់គណបក្សសង្គ្រោះជាតិបញ្ចប់ទៅកងកម្លាំងអាវុធហត្ថបានបន្តធ្វើហ្វឹកហាត់យុទ្ធវិធីជាថ្មីម្តងទៀត នៅព្រឹកថ្ងៃទី១៩ កញ្ញានេះ។
លោកខេង ទីតូ អ្នកនាំពាក្យកងរាជអាវុធហត្ថលើផ្ទៃប្រទេសបញ្ជាក់ថា ការហ្វឹកហាត់នេះមិនមានអ្វីចម្លែកនោះទេ គ្រាន់តែជាការហ្វឹកហាត់ ដើម្បីពង្រឹងនិងពង្រីកសមត្ថភាព និងដើម្បីត្រៀមរក្សាសន្តិសុខសង្គមជាតិទាំងមូលជៀសវាងហេតុការណ៍អាក្រក់កើតឡើងជាយថាហេតុតែប៉ុណ្ណោះ។
សំលេងៈ
គួរបញ្ជាក់ថា លំហាត់សមយុទ្ធរបស់កងកម្លាំងអាវុធហត្ថ ត្រូវបានគេមើលឃើញថា គឺជាការត្រៀមពេលស្ថានការណ៍នយោបាយប្រទេសកម្ពុជានាពេលបច្ចុប្បន្នកំពុងស្ថិតក្នុងភាពស្រពិចស្រពិល និង ជួបវិបត្តិជាប់គាំងនយោបាយ។
ជាក់ស្តែងលំហាត់សមយុទ្ធនេះបានធ្វើឡើងជាទ្រង់ទ្រាយធំម្តង ហើយមុនបាតុកម្មរបស់គណបក្សសង្គ្រោះជាតិមកដល់។ កាលណោះការហ្វឹកហាត់បានធ្វើឡើងស្ទើរពេញផ្ទៃប្រទេស។(ដោយៈសៅ វិសាល)
Source from: Vayofm
Loading...
Post a Comment