ខេត្តព្រះសីហនុ៖ជនជាតិបរទេសម្នាក់ត្រូវបានគេបញ្ជូនយកមកធ្វើការសង្គ្រោះបន្ទាន់នៅមន្ទីរពេទ្យបង្អែកចំការចេកខណៈដែលរូបគេបានសន្លប់បាត់បង់ស្មារតីកាលពីវេលាម៉ោង៧យប់ខេត្តព្រះសីហនុ ៖ ជនជាតិបរទេសម្នាក់ ត្រូវបានគេបញ្ជូនយកមកធ្វើការសង្គ្រោះបន្ទាន់នៅមន្ទីរពេទ្យ បង្អែកចំការចេក ខណៈដែលរូបគេបានសន្លប់បាត់បង់ស្មារតី កាលពីវេលាម៉ោង ៧យប់ ថ្ងៃទី៣០ ខែកញ្ញា ឆ្នាំ២០១៣ ដែលមូលហេតុនៃការសន្លប់នេះត្រូវបានគេសន្និដ្ឋាន បណ្តាលមកពីការប្រើប្រាស់ថ្នាំញៀនហួសកម្រិត។
បើតាមប្រភពព័ត៌មានពីស្ត្រីម្នាក់ដែលបានមកជាមួយជនបរទេសខាងលើនេះបានឲ្យដឹងថា ជនរងគ្រោះមានឈ្មោះ Jam carbdem អាយុ ៤១ឆ្នាំ ជាជនជាតិអង់គ្លេស មានមុខរបរទេសចរ ស្នាក់នៅផ្ទះជួលមួយកន្លែងស្ថិតក្នុងភូមិ៤ សង្កាត់លេខ៤ ក្រុងព្រះសីហនុ បានដួលសន្លប់កាលពីវេលាម៉ោងប្រមាណ ៧យប់។
ប្រភពដដែលបានបន្តឲ្យដឹងទៀតថា មូលហេតុនៃការសន្លប់នេះ គឺបណ្តាលមកពីជនរងគ្រោះបានទទួលរងគ្រោះថ្នាក់ដោយសារតែត្រូវចោរឆក់កាបូប កាលពីយប់ថ្ងៃទី២៨ ខែកញ្ញា ឆ្នាំ២០១៣ បណ្តាលឲ្យដួលក្បាល ខណៈដែលជនរងគ្រោះមានជំងឺទឹកនោមផ្អែមជាប់នឹងខ្លួន។ តាំងពីពេលនោះមកជនរងគ្រោះតែងតែមានអាការៈភ្លឹកៗស្មារតី និងឧស្សាហ៍ឈឺក្បាល រហូតដល់ថ្ងៃកើតហេតុគេក៏សន្លប់តែម្តង។
ដោយឡែក បើតាមប្រភពមួយចំនួនទៀតបានលើកឡើងថា តាមការពិតជនរងគ្រោះសន្លប់បាត់ស្មារតីនេះ គឺដោយសារតែរូបគេប្រើប្រាស់ថ្នាំញៀនហួសកម្រិតពេក ទើបធ្វើឲ្យគាំងបេះដូងសន្លប់ដូច្នេះ នេះសំណាងហើយដែលជនរងគ្រោះ មិនបានស្លាប់បាត់បង់ជីវិត។
គួរបញ្ជាក់ផងដែរថា បញ្ហាគ្រឿងញៀននៅក្នុងខេត្តព្រះសីហនុ នាពេលបច្ចុប្បន្ននេះ កំពុងតែរីករាលដាលដូចផ្សិតត្រូវទឹកសន្សើម ខណៈដែលសមត្ថកិច្ចមួយចំនួន ពិសេសសមត្ថកិច្ចរបស់មន្ទីរប្រឆាំងគ្រឿងញៀនខេត្ត ក្រោមបញ្ជារបស់លោក សាន់ ប៊ុនថន ហៅបាវ មានភាពអសកម្ម មិនខ្វាយខ្វល់ពីការបង្ក្រាប គិតតែរឿងប្រមូលផលប្រយោជន៍ យកមកច្រកហោប៉ៅធ្វើមានធ្វើបានផ្ទាល់ខ្លួន។ បញ្ហានេះទាមទារឲ្យលោក នេត សាវឿន មេត្តាពិនិត្យមើលលក្ខណសម្បត្តិ របស់លោក សាន់ ប៊ុនថន ហៅបាវ នេះឡើងវិញជាបន្ទាន់ ដើម្បីចៀសវាងកុំឲ្យតំបន់ទេសចរណ៍ធម្មជាតិមួយនេះ ក្លាយជាតំបន់ទេសចរណ៍គ្រឿងញៀន៕
Source from: watphnom-news.com
Loading...
Post a Comment