ក្រោយពីមានការលើកឡើងមួយចំនួនអំពីការជាប់គាំងនយោបាយនោះរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី លោកឧបនាយករដ្ឋមន្ដ្រី សុខ អាន នៅថ្ងៃទី២០ ខែកញ្ញានេះ បានបញ្ជាក់ថា កម្ពុជាមិនបានជាប់គាំងនយោបាយនោះទេ។
ការបញ្ជាក់របស់លោកឧបនាយករដ្ឋមន្ត្រីសុខ អាន ខាងលើនេះគឺធ្វើឡើងក្នុងជំនួបជាមួយអតីតឧបនាយករដ្ឋមន្ត្រី រដ្ឋមន្ត្រីការបរទេសថៃ។
ក្រោយជំនួបនោះអ្នកនាំពាក្យទីស្តីការគណៈរដ្ឋមន្ត្រី លោកឯក ថា បានឲ្យដឹងថា លោកឧបនាយករដ្ឋមន្ត្រី សុខ អាន បានបញ្ជាក់ប្រាប់ទៅលោកអតីតឧបនាយករដ្ឋមន្ត្រីថា កម្ពុជាមិនបានរាំងស្ទះនយោបាយក្រោយការបោះឆ្នោតដូចជាការលើកឡើងរបស់សាធារណជនមួយចំនួននោះឡើយ ហើយបើតាមផ្លូវច្បាប់។
គួរកត់សម្គាល់ថា មានមតិមួយចំនួនបានលើកឡើងថា ប្រទេសកម្ពុជាកំពុងជាប់គាំងនយោបាយក្រោយការបោះឆ្នោតជាតិអណ្ណត្ដិទី៥ ខណៈដែលគណបក្សសង្គ្រោះជាតិ ប្រកាសមិនទទួលស្គាល់លទ្ធផលបោះឆ្នោត និងប្រកាសមិនចូលរួមបង្កើតរដ្ឋាភិបាលជាមួយគណបក្សប្រជាជនកម្ពុជាឡើយ បើសិនគ្មានការដោះស្រាយពីបញ្ហាភាពមិនប្រក្រតីនៃការបោះឆ្នោត៕
Source from: Vayofm
Loading...
Post a Comment