ខេត្ដកណ្ដាល៖កន្លែងបញ្ជល់មាន់ដុះស្លែរបស់ឈ្មោះថោស៊ីណាតហៅពុយនៅភូមិព្រែក ខេត្ដកណ្ដាល ៖ កន្លែងបញ្ជល់មាន់ ដុះស្លែរបស់ឈ្មោះ ថោ ស៊ីណាត ហៅពុយ នៅភូមិព្រែក ឃុំជ្រោយតាកែវ ស្រុកកោះធំ ត្រូវសមត្ថកិច្ចចុះបង្ក្រាប នៅថ្ងៃទី២៦ ខែកញ្ញា ឆ្នាំ២០១៣ វេលាម៉ោង ៩និង៣០ នាទីព្រឹក ដោយដកហូតបានតែម៉ូតូចំនួន ៧គ្រឿង ចំណែកមាន់ជល់ត្រូវ ក្រុមអ្នកញៀនល្បែង ស្ពាយរត់បាត់ស្រមោល។
ក្នុងប្រតិបត្តិការនោះ អ្នកបើកបញ្ជល់មាន់ឈ្មោះ ថោ ស៊ីណាត ហៅពុយ ហាក់ដូចជាដឹងខ្លួនជាមុន បានរត់គេចខ្លួន។
សមត្ថកិច្ចបានដកហូត ម៉ូតូ៧គ្រឿង ១-ម៉ូតូគុបមូល C50 គ្មានស្លាកលេខ ពណ៌ទឹកប៊ិច ២-គុបមូល C50 គ្មានស្លាក លេខ ពណ៌ស្លែ ៣-គុបមូល C90 គ្មាន ស្លាកលេខ ពណ៌ស្លែ ៤-គប់មូល C50 ពាក់ស្លាកលេខ ពភ១ C៧០៦៣ ពណ៌ទឹក បិចចាស់ ៥-គុបជ្រុង C50 ពាក់ស្លាក លេខភ្នំពេញ ១.AQ ៧៤២២ ពណ៌កណ្ដុរ ល្មែះ ៦-ម៉ាកស្គូពី ពាក់ស្លាកលេខ ភ្នំពេញ ១.BW ៧៥៧៥ ពណ៌ក្រហម ៧-ហុងដា១២៥ ស៊េរី២០១៣ ពាក់ស្លាក លេខកណ្ដាល ១Q ៧៨៩២ ពណ៌ខ្មៅ ។
ទីតាំងបញ្ជល់មាន់របស់ឈ្មោះ ថោ ស៊ីណាត ហៅ ពុយ ភេទប្រុស អាយុ៤៤ឆ្នាំ ជនជាតិខ្មែរ មានទីលំនៅ ភូមិព្រែកភូមិ ឃុំជ្រោយតាកែវ ស្រុកកោះធំ បានបើកវង់បញ្ជល់មាន់ និងយកតុងពីអ្នកលេង ឡើងដុះស្លែទៅហើយ។ នៅពេលកម្លាំងសមត្ថកិច្ច ទៅដល់ដោយស្ថានភាពផ្លូវលំបាក ក្រុមបញ្ជល់មាន់ក៏បាន យកមាន់និងសម្ភារផ្សេងៗ រត់គេចខ្លួនអស់ដោយបន្សល់វត្ថុតាងម៉ូតូ ចំនួន៧គ្រឿង៕
Source from: watphnom-news.com
Loading...
Post a Comment