វីដេអូ​ដែល​បានទស្សនា​ហើយ​ ធ្វើ​ឲ្យ​រំជួល​ចិត្ត​ ដល់​ស្រក់ទឹក​ភ្នែក​ (មានវីដេអូ)

9/14/2013 03:55:00 AM

វីដេអូដែលមានរយៈពេលត្រឹមតែ៣នាទី តែប្រកបដោយគុណភាព និងអត្ថន័យជ្រៀលជ្រៅស្តីអំពីការចេះអធ្យាស្រ័យក្នុងសង្គម និងការកសាងអំពើល្អជារឿយៗរបស់មនុស្សល្អ។

ព្រោះតែម្តាយ កំពុងមានជំងឺ ហើយមិនមានប្រាក់ដើម្បីទិញថ្នាំព្យាបាល បានធ្វើឲ្យកុមារម្នាក់សម្រេចចិត្តចូលទៅលួចថ្នាំនៅឳសថស្ថានមួយ តែត្រូវបានម្ចាស់របស់គេតាមទាន់និងវាយធ្វើបាប។ ជាកុសលល្អ បុរសចំណាស់ អ្នករកស៊ីលក់អាហារតាមចិញ្ចើមផ្លូវ បានចេញមកជួយ និងបានចេញថ្លៃថ្នាំនោះឲ្យទៅកុមារកំសត់។

៣០ឆ្នាំក្រោយ បុរសអ្នកលក់តាមចិញ្ចើមផ្លូវនៅតែបន្តកសាងអំពើល្អរបស់ខ្លួន គឺការដាក់ទាន និងការបរិច្ចាគដល់មនុស្សកំពុងអត់ឃ្លាន ជាមួយនឹងស្នាមញញឹមពេញចិត្តនិងអំពើល្អរបស់ខ្លួន។ ជាអកុសលគាត់ត្រូវបានជួបគ្រោះថា្នក់ដោយជំងឺបេះដូង ត្រូវដួលសន្លប់ និងត្រូវធ្វើការវះកាត់ជាបន្ទាន់។ ការចំណាយក្នុងការវះកាត់គឺហួសពីលទ្ធភាពរបស់កូនស្រីរបស់គាត់ ដូច្នេះបានសម្រេចចិត្តលក់ផ្ទះ និងទ្រព្យសម្បត្តិដើម្បីបង់ថ្លៃព្យាបាល។

តែទីបំផុត វិក្ក័យបត្ររបស់ពេទ្យ បានធ្លាក់មកដល់ដៃនាងជាកូនស្រីបង្ហាញថា ថ្លៃព្យាបាល ថ្លៃវះកាត់ ថ្លៃចាយវាយគ្រប់បែបយ៉ាង មិនត្រូវបានគិតឡើយ ធ្វើឲ្យនាងសប្បាយផងឆ្ងល់ផង។ វិក្ក័យបត្របានសរសេររៀបរាប់ថា៖

តំលៃព្យាបាលសរុប ០ បាត
គ្រប់តំលៃព្យាបាលទាំងអស់ បានបង់រួចហើយកាលពី ៣០ឆ្នាំមុន..!

តាមការពិត លោកវេជ្ជបណ្ឌិត ដែលទទួលបន្ទុកព្យាបាលបុរសចាស់នោះ គឺជាកុមារាម្នាក់ដែលគាត់បានជួយ និងចេញថ្លៃថ្នាំឲ្យកាលពី៣០ឆ្នាំមុន។

នេះហើយគឺការកសាងអំពើល្អជាប្រចាំ.. ថ្ងៃណាមួយអំពើល្អរបស់អ្នកនឹងហុចផលមកវិញដោយគាប់ចិត្ត។ ចុងក្រោយ ខ្សែវីដេអូនេះបានដាក់ចំណងជើងថា «Giving is the best communication _ ការបរិច្ចាគគឺជាទំនាក់ទំនងដ៏សែនល្អ»៕
ខ្សែភាពយន្តខ្លីនេះ ត្រូវបានផលិតដោយក្រុមហ៊ុនទូរទស្សន៌ True Version HD របស់ថៃ។

សូមរីករាយទស្សនាទាំងអស់គ្នា..!