ល្បិចកលគិតទុកជាមុនក្នុងការបដិសេធមិនទទូលស្គាល់លទ្ធផលបោះឆ្នោតរបស់គណបក្សសង្គ្រោះជាតិត្រូវបានបកអាក្រាតដោយសៀវភៅសរមួយក្បាល ស្តីពីការបោះឆ្នោតសកលជ្រើសតាំងតំណាងរាស្ត្រនីតិកាលទី៥ នៃរដ្ឋសភានៃព្រះរាជាណាចក្រកម្ពុជាឆ្នាំ២០១៣។
សៀវភៅសរ មួយក្បាលនេះចេញផ្សាយដោយអង្គភាពពត៌មាន និងប្រតិកម្មរហ័សនៃទីស្តីការគណៈរដ្ឋមន្ត្រីនាក្នុងសន្និសិទការសារពត៌មាន កាលពីព្រឹកថ្ងៃទី២០ ខែកញ្ញានេះ។
ល្បិចកលដែលបង្ហាញដោយអង្គភាពព័ត៌មាន និងប្រតិកម្មរហ័សបានលើកឡើងចំនួន១០ ក្នុងនោះរួមមានទី១ ការបដិសេធនៅលទ្ធផលបោះឆ្នោតនៅមុនការបោះឆ្នោត ទី២ ឧបាយកលចោទប្រកាន់លើនីតិវិធីនៃការចុះឈ្មោះបោះឆ្នោត។
ទី៣ការរើសអើងប្រកាន់ពួជសាសន៍ និងបណ្តុះគំនិតញុះញង់ឲ្យមានគំនុំជាតិសាសន៍ ទី៤ការបំបោងព័ត៌មានមិនពិតដោយ COMFREL ពាក់ព័ន្ធនឹងទឹកខ្មៅ ទី៥ ការប្រើប្រាស់បណ្តាញទំនាក់ទំនងសង្គម ទី៦ ការប្រកាសបំផ្លើសលទ្ធផលនៃការបោះឆ្នោត។
ទី៧ការព្យាយាមរបស់លោកសម រង្ស៊ី ដើម្បីបដិសេធលទ្ធផលបោះឆ្នោត ទី៨ ការចោទប្រកាន់បំពោះគជប ទី៩ ការចោទប្រកាន់ចំពោះក្រុមប្រឹក្សាធម្មនុញ្ញ និងទី១០ ការទាមទារឲ្យបង្កើតគណៈកម្មការចំរុះ ដោយមានការចូលរួមរបស់សង្គមស៊ីវិល និងអង្គការសហប្រជាជាតិ ។
ដោយសំអាងលើល្បិចកលទាំង១០ចំនុចនេះត្រូវបានលោកកែវ រ៉េមី រដ្ឋលេខាធិការទីស្តីការគណៈរដ្ឋមន្ត្រី លើកយកមកអធិប្បាយនៅចំពោះមុខអ្នកសារព័ត៌មានថា គណបក្សប្រឆាំងជារឿយៗបានប្រកាសថា ខ្លួនមិនចូលរួមការបោះឆ្នោត និងបដិសេធលទ្ធផលបោះឆ្នោត។
លោកបន្តថា គណៈបក្សសង្គ្រោះជាតិតែងតែបង្កើតជាលេសឡាំប៉ាបដិសេធលទ្ធផលនៃការបោះឆ្នោត ប្រសិនបើខ្លួនចាញ់ ប៉ុន្តែសំងំទទូលយកលទ្ធផលបើខ្លួនឈ្នះ។
លោកកែវ រ៉េមីៈ
ជាប្រតិបកម្មតបតំណាងរាស្ត្រគណបក្សសង្គ្រោះជាតិ លោកស្រីមួរ សុខហូរ បានចេញមុខលើកថា មិនមានអ្វីប្លែកនោះទេចំពោះការចេញសៀវសរនោះ។
ប៉ុន្តែសម្រាប់គណបក្សសង្គ្រោះជាតិបានដឹងជាមុនថា ការបោះឆ្នោតមិនប្រព្រឹត្តទៅដោយសេរីយុត្តិធម៌ ត្រឹមត្រូវ ព្រោះប្រព័ន្ធនៃការបោះឆ្នោតមិនត្រូវបានធ្វើកំណែទម្រង់នោះឡើយ ចាប់តាំងពីឆ្នាំ១៩៩៨មកម្លេះ។
លោកស្រីបញ្ជាក់យ៉ាងច្បាស់ថា បក្សសង្គ្រោះជាតិ គ្មានល្បិចកលអ្វីនោះទេព្រោះអ្វីៗដែលបាននិយាយទាំងប៉ុន្មាន គឺសុទ្ធតែរឿងបច្ចេកទេសទាំងអស់។
សំលេងៈ
គួរបញ្ជាក់ថា គណបក្សសង្គ្រោះជាតិ បានប្រកាសមិនទទូលស្គាល់លទ្ធផលនៃការបោះឆ្នោតដែលប្រកាសជាផ្លូវការដោយគណៈកម្មាធិការជាតិរៀបចំការបោះឆ្នោត កាលពីថ្ងៃទី៨ ខែកញ្ញានោះទេ។
លទ្ធផលជាផ្លូវការបង្ហាញថា គណបក្សប្រជាជនកម្ពុជាទទូលបាន៦៨កៅអីនៃរដ្ឋសភា ដោយឡែកគណៈបក្សសង្គ្រោះជាតិទទូលបានចំនួន៥៥កៅអី ក្នុងចំណោម១២៣ អាសនៈនៅក្នុងរដ្ឋសភាជាតិ។
គណបក្សជំទាស់ដ៏ធំនៅកម្ពុជាក៏បានប្រកាសធ្វើពិហិការមិនចូលរួមប្រជុំសភាទៀតផងនៅថ្ងៃទី២៣ ខែកញ្ញា ក្រោមព្រះរាជាធិបតីនៃព្រះមហាក្សត្រ ព្រះបាទនរោត្តមសហមុនី៕(ដោយៈថា ថៃ)
Source from: Vayofm
Loading...
Post a Comment