នៅទីបំផុតអំពើហិង្សា បានកើតឡើង រវាងក្រុមបាតុកររាប់ម៉ឺននាក់ របស់គណបក្សសង្រ្គោះជាតិ និង កម្លាំងសមត្ថកិច្ច នៅមុខវត្តឧណ្ណាឡោម ខណ្ឌដូនពេញ។ក្រុមបាតុករបានប្រើដុំថ្មគប់ ទៅលើសមត្ថកិច្ច និង ទម្លុះរណាំងបន្លាលួសរបស់សមត្ថកិច្ចដែលដាក់រារាំង ក្បួនមិនអោយដង្ហែរទៅមុខព្រះបរមរាជវាំង។
រហូតមកដល់ពេលនេះ សមត្ថកិច្ចបានបង្កើនកំលាំងជាបន្តបន្ទាប់ និងបានប្រើរថយន្តពន្លត់អគ្គិភ័យ រថយន្តបាញ់ទឹក និងគ្រាប់បែកផ្សែងបាញ់បំបែកក្រុមបាតុករផងដែរ។ ក្នុងនោះក៏មានការបាញ់គ្រាប់បែកផ្សែង ប្រមាណ២០គ្រាប់។
ជាការកត់សម្គាល់ ថ្នាក់ដឹកនាំគណបក្សសង្រ្គោះជាតិ គឺលោក ស្រី មូរ សុខហួរ បានប្រកាសមិនអោយ បាតុករតតាំងជាមួយសមត្ថកិច្ច និង គំរាមថា បាតុករត្រូវទទួលទោសខ្លួនឯង បើមានគ្រោះថ្នាក់អ្វីកើតឡើង។
ប្រភពពីកន្លែងកើតហេតុ មនុស្សម្នាក់បានរងរបួសធ្ងន់ តែមិនអាចបញ្ជាក់ អត្តសញ្ញាណបាន។
Source from: Vayofm
Loading...
Post a Comment