រថយន្ដ​សាំ​យ៉ុង​បុក​ជាមួយ​គោយន្ដ​របួស​ជិត​១០​នាក់

បន្ទាយមានជ័យ ៖ រថយន្ដសាំយ៉ុងដឹកដំណើរ មួយគ្រឿងបានបើក ទៅបុកគោយន្ដកន្ដ្រៃ មួយគ្រឿងបណ្ដាលឲ្យមនុស្សក្មេងចាស់ប្រុសស្រីប្រមាណជិត១០នាក់ បាន រងរបួសធ្ងន់និងស្រាល ។

ហេតុការណ៍នេះកើតឡើងកាលពីវេលាម៉ោង១៣ រសៀលថ្ងៃទី២០ខែកញ្ញាឆ្នាំ២០១៣ នៅតាមផ្លូវជាតិលេខ៥ មុខភូមិកូបកើត ឃុំកូប ស្រុកអូរជ្រៅ ខេត្តបន្ទាយមានជ័យ ។

ប្រភពពីកន្លែងកើតហេតុបានឲ្យដឹងថា រថយន្ដសាំយ៉ុងពណ៌សពាក់ស្លាកលេខ សៀមរាប2A 7952 បានបើកជ្រុល ទៅបុកគោយន្តពីក្រោយ ខណៈគោយន្ដនោះត្រឡប់មកពីកាន់បិណ្ឌវិញក្នុងទិសដៅស្របគ្នា ទើបបណ្ដាលឲ្យមាន រងរបួសធ្ងន់ និងស្រាលជាង១០ ហើយត្រូវដឹកបញ្ជូនទៅកាន់មន្ទីរពេទ្យ ៕