ថ្វីត្បិតតែបាតុកម្ម របស់គណបក្សសង្គ្រោះជាតិ នៅថ្ងៃទី១៥ ខែកញ្ញា បានធ្វើឡើងដោយ អហិង្សាក្តី ប៉ុន្តែគណបក្សសង្រ្គោះជាតិ បានហែរក្បួនបាតុកម្ម នៅតាមដងផ្លូវនានាក្នុងរាជធានីភ្នំពេញ ដែលផ្ទុយពីការណែនាំ និង ការអនុញ្ញាតិ របស់ក្រសួងមហាផ្ទៃ។ ជាការកត់សម្គាល់ ការប្រឈម និង ការប៉ះទង្គិចរវាងសមត្ថកិច្ច និង ក្រុមបាតុករបានកើតឡើងជាច្រើនដងផងដែរ។
លោក ខៀវ សុភ័គ អ្នកនាំពាក្យក្រសួងមហាផ្ទៃ បានប្រាប់វិទ្យុខ្មែរអន្តរជាតិវាយោអែហ្វអឹមថា គណបក្សសង្រ្គោះជាតិបានធ្វើខុសនឹងការស្នើរសុំ ប៉ុន្តែលោកខៀវ សុភ័គ សង្ឃឹមថា ស្ថានភាពនឹងល្អប្រសើរផ្ទុយទៅវិញ ប្រសិនបើស្ថានភាពកាន់តែធ្ងន់ធ្ងរៗទៅ ពោលបើគណបក្សសង្រ្គោះជាតិ នៅតែបន្តធ្វើខុសទៅនឹងច្បាប់លោក ខៀវ សុភ័គ បានព្រលយថា សមត្ថកិច្ចអាចនឹងពិចារណាចំពោះការបង្រ្កាប រឺ ចាត់វិធានការបញ្ឈប់ព្រោះគ្មានជំរើស
សម្លេងលោក ខៀវ សុភ័គ
ជាមួយគ្នានេះលោកជួន សុវណ្ណ ស្នងការនគរបាលរាជធានីភ្នំពេញ បានប្រាប់អ្នកសារព័ត៌មានពេលចុះអន្តរាគមន៍ថា បាតុកម្មគណបក្សសង្រ្គោះជាតិគឺធ្វើហួសព្រំដែន ដែលបានកំណត់
សម្លេងលោកជួន សុវណ្ណ
គួរបញ្ជាក់ថា មុនពេលរំសាយមហាបាតុកម្មថ្ងៃទី១ នៅទីលានប្រជាធិបតេយ្យ នាល្ងាចថ្ងៃទី១៥ ខែកញ្ញានេះ លោក សម រង្ស៊ី ប្រធានគណបក្សសង្គ្រោះជាតិ បានប្រកាសបន្ដធ្វើបាតុកម្ម នៅថ្ងៃទី២ និង ៣ថ្ងៃបន្ដទៀត ពោលគឺថ្ងៃទី១៦ ខែកញ្ញា និង ថ្ងៃទី១៧ ខែកញ្ញា ដើម្បីស្វែងរកយុត្ដធម៌ជូនប្រជាពលរដ្ឋម្ចាស់ឆ្នោត។ មិនត្រឹមតែប៉ុណ្ណោះ លោក សម រង្ស៊ី បានអំពាវនាវឲ្យប្រជាពលរដ្ឋចូលរួមធ្វើបាតុកម្មថ្ងៃទី២ និង ថ្ងៃទី៣ ឲ្យបានច្រើនបន្ថែមទៀត។
យ៉ាងណាក៏ដោយ សាលារាជធានីភ្នំពេញ បានប្រាប់ទៅកាន់តំណាងគណបក្សសង្គ្រោះជាតិថា បាតុកម្មនៅថ្ងៃទី១៦ ខែកញ្ញា និង ថ្ងៃទី១៧ខែកញ្ញានោះ មិនត្រូវបានអនុញ្ញាតទេ ដោយអនុវត្តតាមបទបញ្ជា របស់ក្រសួងមហាផ្ទៃ ប៉ុន្តែសាលារាជធានីភ្នំពេញ សន្យាថានឹងបញ្ចូនសំណើនេះទៅកាន់ក្រសូងមហាផ្ទៃ ដើម្បីសម្រេច។
Source from: Vayofm
Loading...
Post a Comment