ខេត្តតាកែវ៖ឈាមស្រែកស្បែកហៅទីបំផុតជនសង្ស័យដែលបានវាយសម្លាប់លោកតាអាចារ្យវត្តភ្នំជីសូរប្លន់យកទ្រព្យសម្បត្តិហើយបានអូសសពយកទៅកប់ចោលដើម្បីបំបិទដានខេត្តតាកែវ ៖ ឈាមស្រែកស្បែកហៅ ទីបំផុតជនសង្ស័យដែលបាន វាយសម្លាប់លោកតាអាចារ្យវត្តភ្នំជីសូរ ប្លន់យកទ្រព្យសម្បត្តិ ហើយបានអូសសពយក ទៅកប់ចោលដើម្បីបំបិទដាន ត្រូវសមត្ថកិច្ចឃាត់ខ្លួន រួមជាមួយវត្ថុតាងជាក់ស្តែង កាលពីវេលាម៉ោង ៧និង២០ នាទីព្រឹកថ្ងៃទី២៤ ខែតុលា ឆ្នាំ២០១៣ នៅភូមិកញ្ចាញ ឃុំស្លា ស្រុកសំរោង ខេត្តតាកែវ ។
ជនសង្ស័យជាមនុស្ស.គ មានឈ្មោះ សួស សុក ភេទប្រុស អាយុ ២១ឆ្នាំ រស់នៅភូមិ-ឃុំខាងលើ ហើយក្រោយពេលឃាត់ខ្លួន សមត្ថកិច្ចបានដកហូតវត្ថុតាង រួមមានកូនកាំបិត១ អាវប្រឡាក់ឈាម១ ស្បែកជើង១គូ ដែលម្ខាងលេខ៩ និងម្ខាងទៀតលេខ១០ ត្រូវនគរបាលបញ្ជូន ទៅសាលាដំបូងខេត្តដើម្បីចាត់ការតាមច្បាប់។ សមត្ថកិច្ចបានសន្និដ្ឋានថា ជនរងគ្រោះត្រូវជនសង្ស័យ ប្រើវត្ថុរឹងវាយក្បាល ពីក្រោយជាច្រើនកន្លែង ខណៈដែលជនរងគ្រោះ អង្គុយសមាធិ។
សូមរំលឹកថា សាកសពជនរងគ្រោះ ឈ្មោះ ចាប តូច អាយុ ៧៨ឆ្នាំ ជាអាចារ្យនៅវត្តភ្នំជីសូរ ត្រូវជនមិនស្គាល់មុខ សម្លាប់យ៉ាងឃោរឃៅ រួចយកសាកសពទៅកប់បំបាត់ដាន ហើយត្រូវបានសាច់ញាតិប្រទះឃើញ កាលពីព្រលឹមស្រាងៗថ្ងៃទី២៣ ខែតុលា ឆ្នាំ២០១៣ នៅខាងជើង វិហារវត្ដភ្នំជីសូរ ស្ថិតក្នុងឃុំរវៀង ស្រុកសំរោង ខេត្ដតាកែវ ហើយនៅក្នុងខ្លួនរបស់ជនរងគ្រោះ មានពាក់ចិញ្ចៀន១វង់ ទម្ងន់ ២ជី និងលុយ ៤០ ម៉ឺនរៀល ព្រមទាំងទូរស័ព្ទ១គ្រឿងផងដែរ ៕
Source from: watphnom-news.com
Loading...
Post a Comment