រាជធានីភ្នំពេញ៖ក្រសួងអប់រំយុវជននិងកីឡាបានប្រកាសការប្រណាំងកង់ជើងឯកជាតិឆ្នាំ២០១៣នឹងចាប់ផ្ដើមនៅថ្ងៃទី១៩ខែតុលាឆ្នាំ២០១៣រាជធានីភ្នំពេញ ៖ ក្រសួងអប់រំយុវជននិងកីឡា បានប្រកាសការប្រណាំងកង់ ជើងឯកជាតិឆ្នាំ២០១៣ នឹងចាប់ផ្ដើមនៅថ្ងៃទី១៩ ខែតុលា ឆ្នាំ២០១៣ ដែលនឹងប្រព្រឹត្តទៅនៅខេត្តកំពត ដែលជាតំបន់ទេសចរណ៍ ឆ្នេរសមុទ្រទី២ នៅក្នុងប្រទេសកម្ពុជា។
ការប្រកួតមាន ២ វិញ្ញាសា គឺវិញ្ញាសាកង់គួក បុរស-នារី និងប្រភេទកង់ដៃត្រង់ បុរស-នារី ។ សម្រាប់កង់គួក គឺប្រកួតក្នុងចម្ងាយផ្លូវ ១២០គីឡូម៉ែត្រ ចំពោះកង់ដៃត្រង់ ប្រកួតក្នុងចម្ងាយផ្លូវ ៤០ គីឡូម៉ែត្រប៉ុណ្ណោះ ។ មានក្លិបចំនួន ១៥ បានបញ្ជូនកីឡាករ-កីឡាការិនី របស់ខ្លួនមកចូលរួមប្រកួត ។
សម្រាប់កង់គួកបុរស មានតែ ៥ ក្លិបប៉ុណ្ណោះ ដែលបញ្ជូនកីឡាកររបស់ខ្លួន មកចូលរួមប្រកួត គឺក្លិបកង់ហោះ ២១ នាក់ ក្លិបមេគង្គ ៤៥ នាក់ សាកលវិទ្យាល័យធនធានមនុស្ស ៨ នាក់ ក្លិប EYC ៦នាក់ និង ក្លិបឯកត្តជន ១ នាក់ សរុប ៨១នាក់ ។ ចំពោះកង់គួកនារីមានតែ កីឡាការិនី ២ នាក់ប៉ុណ្ណោះ ដែលចូលរួមប្រកួត ហើយមកពីក្លិបមេគង្គ ជាមួយគ្នា ។
ប្រភេទកង់ដៃត្រង់ បុរសមានក្លឹបចំនួន ១៤ បានបញ្ជូនកីឡាករ មកចូលរួមប្រកួត ដែលមានចំនួន ៣២១ នាក់និងក្លិបចំនួន ៧ បញ្ជូនកីឡាការិនី មកចូលរួមប្រកួត ដែលមានកីឡាការិនី ២២ នាក់ ។ គួរបញ្ជាក់ថា ដោយសារកង់គួក និងកង់ដៃត្រង់ ប្រកួតថ្ងៃផ្សេងគ្នានោះ មានកីឡាករ និងកីឡាការិនីខ្លះលេងទាំង ២ វិញ្ញាសាតែម្តង៕
Source from: watphnom-news.com
Loading...
Post a Comment