ខេត្តបន្ទាយមានជ័យ៖មន្ត្រីនគរបាលឋានៈវរសេនីយ៍ត្រីមានតួនាទីជានាយរងការិយាល័យអត្តសញ្ញាណប័ណ្ណនៃស្នងការនគរបាលខេត្តបន្ទាយមានជ័យ ៖ មន្ត្រីនគរបាល ឋានៈវរសេនីយ៍ត្រី មានតួនាទីជា នាយរងការិយាល័យ អត្តសញ្ញាណប័ណ្ណ នៃស្នងការនគរបាល ខេត្តបន្ទាយមានជ័យ ត្រូវរថយន្តទួរីសដឹកអ្នកដំណើរ ១២ កៅអីបុកស្លាប់ភ្លាមៗ កាលពីម៉ោងជាង៨ យប់ថ្ងៃទី១៧ ខែតុលា ឆ្នាំ២០១៣ នៅមុខបញ្ជាការដ្ឋានកងរាជអាវុធហត្ថ ខេត្តបន្ទាយមានជ័យ តាមបណ្តោយផ្លូវជាតិលេខ៥ ក្នុងសង្កាត់អូរអំបិល ក្រុងសិរីសោភ័ណខេត្តបន្ទាយមានជ័យ។
រថយន្តបង្កម៉ាក សាំងយ៉ុង ពាក់ស្លាកលេខ ភ្នំពេញ 2M 6926 ដឹកអ្នកដំណើរ បើកពីទិសខាងលិច បានបុកម៉ូតូហុងដា បើកដោយឈ្មោះ បៅ ផល្លា ឋានៈវរសេនីយ៍ត្រី នាយរងការិយាល័យ នគរបាលអត្តសញ្ញាណប័ណ្ណ នៃស្នងការនគរបាល ខេត្តបន្ទាយមានជ័យ មានទីលំនៅភូមិ ២ សង្កាត់កំពង់ស្វាយ ក្រុងសិរីសោភ័ណ បើកពីកើតទៅលិច បណ្តាលឲ្យគាត់បានស្លាប់ភ្លាមៗ នៅនឹងកន្លែងតែម្តង។
កម្លាំងអាវុធហត្ថបានដេញតាមចាប់ រថយន្តនិងអ្នកបើកបរបាន លើផ្លូវជាតិលេខ៦ នៅចំណុចស្ពានលេខ១ រួចប្រគល់ឲ្យនគរបាលចរាចរណ៍ផ្លូវគោក។ លោក វរសេនីយ៍ទោ ឈឿម សុផុន នាយរងការិយាល័យ នគរបាលផ្លូវគោក ខេត្តបន្ទាយមានជ័យ បានឲ្យដឹងថា អ្នកបើកបររថយន្តមានឈ្មោះ ម៉ាន អ៊ូស្មាន់ ភេទប្រុស អាយុ ៤០ ឆ្នាំ មានទីលំនៅឃុំព្រៃបាក់ ស្រុកស្ទឹងត្រង់ ខេត្តកំពង់ចាម៕
Source from: watphnom-news.com
Loading...
Post a Comment