រាជធានីភ្នំពេញ៖នគរបាលខណ្ឌសែនសុខបានឃាត់ខ្លួនក្មេងទំនើង២នាក់ដែលគេស្គាល់ថាជាកូនរបស់មន្ត្រីនគរបាលចរាចរណ៍រាជធានីភ្នំពេញក្នុងចំណោមបក្ខពួករាជធានីភ្នំពេញ ៖ នគរបាលខណ្ឌសែនសុខ បានឃាត់ខ្លួនក្មេងទំនើង ២នាក់ដែលគេស្គាល់ថា ជាកូនរបស់មន្ត្រីនគរបាលចរាចរណ៍ រាជធានីភ្នំពេញ ក្នុងចំណោមបក្ខពួក ៤នាក់កាលពីវេលាម៉ោង ៤និង៣០ នាទីរសៀលថ្ងៃទី២៤ ខែតុលា ឆ្នាំ២០១៣ នៅតាមបណ្ដោយផ្លូវសហព័ន្ធរុស្ស៊ី ក្នុងភូមិសេប៉េសេ សង្កាត់ទឹកថ្លា ខណ្ឌសែនសុខ បន្ទាប់ពីពួកគេបានជិះម៉ូតូធ្វើសកម្មភាព វាយយុវសិស្សជិះម៉ូតូតាមផ្លូវ ខណៈដែលជនរងគ្រោះ និងមិត្ដភក្ដិចេញពីជប់លៀង បណ្ដាលឱ្យរងរបួសយ៉ាងដំណំ។
ជនរងគ្រោះក្នុងករណីនេះមានឈ្មោះ មាស សីហា អាយុ ១៨ឆ្នាំ ជាសិស្សថ្នាក់ទី១២ វិទ្យា ល័យបុរី១០០ខ្នង ស្នាក់នៅភូមិថ្នល់ខាងលិច សង្កាត់ទឹកថ្លា ខណ្ឌសែនសុខ រងរបួសដោយសារតែ ក្មេងទំនើងវាយនឹងខ្សែក្រវាត់ បណ្ដាលឱ្យខ្ទេចមួកសុវត្ថិភាព និងម៉ូតូគុប ពណ៌ស្លែ ពាក់ស្លាកលេខ ផ ៧៤០៦ ភ.ព១។ ជនរងគ្រោះបានចូលរួមកម្មវិធីជប់លៀង របស់មិត្ដភក្ដិនៅក្នុងហេភីធីងហាវ នៅម្ដុំសន្ធរម៉ុក ក៏មានទំនាស់ពាក្យសំដី និងដេញវាយគ្នាតែម្តង។
ចំណែកជនសង្ស័យឈ្មោះ ម៉ែន សុធារ៉ា អាយុ ១៨ឆ្នាំ ជានិស្សិតឆ្នាំទី១ និងសាកលវិទ្យាល័យ ភូមិន្ទនីតិសាស្ដ្រ ស្នាក់នៅសង្កាត់ទឹកល្អក់៣ ខណ្ឌទួលគោក និងម្នាក់ទៀតឈ្មោះ ផល វិទូ អាយុ ២១ឆ្នាំ ជានិស្សិតស្នាក់នៅសង្កាត់ទឹកថ្លា ខណ្ឌសែនសុខ ជិះម៉ូតូម៉ាកហុងដាសេ១២៥ ស៊េរីឆ្នាំ២០១៣ ពាក់ស្លាកលេខ 1BY-1177 បានធ្វើសកម្មភាព ដេញវាយជនរងគ្រោះ ៤-៥ ខ្សែក្រវាត់ចំក្បាល និងយកដុំថ្មវាយម៉ូតូផងដែរ៕
Source from: watphnom-news.com
Loading...
Post a Comment