ខេត្តមណ្ឌលគីរី៖យ៉ាងហោចណាស់អ្នកកាសែតចំនួន៣នាក់ដែលជាសហការីឆ្លើយឆ្លងព័ត៌មានរបស់ស្ថានីយទូរទស្សន៍ហង្សមាសខេត្តមណ្ឌលគីរី ៖ យ៉ាងហោចណាស់ អ្នកកាសែតចំនួន ៣នាក់ ដែលជាសហការី ឆ្លើយឆ្លងព័ត៌មាន របស់ស្ថានីយទូរទស្សន៍ហង្សមាស ទូរទស្សន៍អប្សរា និងមជ្ឈមណ្ឌលព័ត៌មានដើមអម្ពិល ប្រចាំនៅខេត្ដមណ្ឌលគីរី បានរងរបួសធ្ងន់បន្ទាប់ពីរថយន្ដរបស់ពួកគេ ត្រូវបានថៅកែ លក់គ្រឿងសំណង់ដ៏ធំ នៅក្នុងខេត្ដមណ្ឌលគីរី គឺលោក ឆៃ លី បើកបុកពេញមួយទំហឹង កាលពីវេលាម៉ោងប្រមាណ ៣រសៀល ថ្ងៃទី២៥ ខែតុលា ឆ្នាំ២០១៣ ស្ថិតនៅក្នុងសង្កាត់រមនា ក្រុងសែនមនោរម្យ។
អ្នកយកព័ត៌មានទាំង ៣នាក់ កំពុងធ្វើដំណើររួមគ្នា តាមរថយន្តម៉ាកហុងដា ស៊ីវិច ស៊េរីចាស់ពណ៌ក្រហម របស់សហការី របស់ស្ថានីយទូរទស្សន៍ហង្សមាស ដើម្បីទៅយកព័ត៌មាន គ្រោះថ្នាក់ចរាចរណ៍ ក្រឡាប់រថយន្ដមួយ នៅក្បែរកន្លែងកើតហេតុនោះ ក៏ត្រូវលោក ឆៃ លី ថៅកែ លក់គ្រឿងសំណង់ដ៏ធំក្នុងខេត្ដមណ្ឌលគីរី បានបើករថយន្ដរបស់ខ្លួនម៉ាកឡង់គ្រីស័រ ស៊េរីឆ្នាំ៩៦ ពណ៌ពងមាន់ ទៅបុកមួយទំហឹង បណ្ដាលឱ្យរថយន្ដ រងការខូចខាត រីឯជនរងគ្រោះទាំង ៣នាក់បានរងរបួសធ្ងន់ ។
ជនរងគ្រោះទាំង ៣នាក់រួមមានលោក កេត សារ៉េត សហការី ទូរទស្សន៍ហង្សមាស ដែលជាអ្នកបើករថយន្ដ និងជាម្ចាស់រថយន្ដ លោក ម៉ន ម៉ារ៉េត សហការីរបស់ទូរទស្សន៍អប្សរា និងលោក រឹម រ៉ា សហការីរបស់មជ្ឈមណ្ឌល ព័ត៌មានដើមអម្ពិល។ ជនរងគ្រោះបានឲ្យដឹងថា ក្រោយពីទទួល បានព័ត៌មានស្ដីពីគ្រោះថ្នាក់ចរាចរណ៍ ក្រឡាប់រថយន្ដពួកគេបាន ធ្វើដំណើរជាមួយគ្នា ទៅយកព័ត៌មាន ស្រាប់តែធ្វើ ដំណើរដល់កន្លែងកើតហេតុ ក៏ត្រូវរថយន្ដ របស់លោក ឆៃ លី បើកបុករថយន្ដរបស់ពួកគេ ពេញមួយទំហឹង បណ្ដាលឱ្យរងរបួសយ៉ាងធ្ងន់ធ្ងរ ត្រូវបានដឹកបញ្ជូន ទៅកាន់មន្ទីរពេទ្យ៕
Source from: watphnom-news.com
Loading...
Post a Comment