ខេត្តបន្ទាយមានជ័យ៖រថយន្តក្រុមហ៊ុនតខ្សែកាប្លិ៍អ៊ុបទិចបានបើកបុកម៉ូតូជាងសំណង់ម្នាក់ប៊ើងដូចសីហើយបានក្រឡាប់ខេត្តបន្ទាយមានជ័យ ៖ រថយន្តក្រុមហ៊ុន តខ្សែកាប្លិ៍អ៊ុបទិច បានបើកបុកម៉ូតូ ជាងសំណង់ម្នាក់ ប៊ើងដូចសី ហើយបានក្រឡាប់ ជាច្រើនត្រលប់ នៅតាមបណ្តោយ ផ្លូវជាតិលេខ៥ ក្នុងឃុំបន្ទាយនាង ស្រុកមង្គលបុរី ខេត្តបន្ទាយមានជ័យកាលពីវេលាម៉ោង ៤និង៣០ នាទីល្ងាចថ្ងៃទី០៩ ខែតុលា ឆ្នាំ២០១៣ បណ្តាលឲ្យអ្នកបើកបរម៉ូតូ ស្លាប់បាត់បង់ជីវិត យ៉ាងអាណោចអាធ័មបំផុត។
ជនរងគ្រោះមានឈ្មោះ ឃិន សុខា ភេទប្រុស អាយុ ៤៧ ឆ្នាំ រស់នៅក្នុងភូមិអូរធំ ឃុំបន្ទាយនាង ស្រុកមង្គលបុរី ខេត្តបន្ទាយមានជ័យ បើកបរម៉ូតូម៉ាកហុងដា ស៊េរី ២០១០ ពណ៌ខ្មៅ ពាក់ស្លាកលេខ បន្ទាយមានជ័យ 1C-4591 ។ រីឯអ្នកបើកបររថយន្តបង្កហេតុឈ្មោះ ជុន អ៊ុយត្រាយ ភេទប្រុស អាយុ ២៧ ឆ្នាំ រស់នៅភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្តាល។ អ្នករួមដំណើរម្នាក់ទៀត ឈ្មោះ រឹទ្ធ ចាន់នី ភេទប្រុស អាយុ ២៧ ឆ្នាំ ជាបុគ្គលិកក្រុមហ៊ុន តខ្សែកាប្លិ៍អ៊ុបទិច បើកបររថយន្តម៉ាក តូយូតាវីកូ ពណ៌មាស ពាក់ ស្លាកលេខ ភ្នំពេញ 2I-8447 ។
មុនពេលកើតហេតុឈ្មោះ រឹទ្ធ ចាន់នី ជាអ្នកបើកបរប្រចាំក្រុមហ៊ុន ខ្សែកាប្លិ៍ បានបើករថយន្ត ចុះត្រួតពិនិត្យខ្សែកាប្លិ៍ តាំងពីខេត្តប៉ៃលិន ដល់ស្រុកម៉ាឡៃ ខេត្តបន្ទាយមានជ័យ ក្នុងអំឡុងពេលទឹកជំនន់ ស្រាប់តែឈ្មោះ រឹទ្ធ ចាន់នី ឈឺពោះរាគអាចម៍ ក៏បានឲ្យឈ្មោះ ឃិន សុខា បើកជំនួស។ ពេលមកដល់ខាងត្បូងផ្សារ បន្ទាយនាង ស្រុកមង្គលបុរី ស្រាប់តែរថយន្តបែកកង់មុខ ផ្នែកខាងឆ្វេង ខណៈកំពុងបើកបរក្នុងល្បឿនលឿន រថយន្តបានវេចង្កូត ទៅបុកជនរងគ្រោះ ដែលកំពុងជិះម៉ូតូប៊ើងដូចសី ហើយបានក្រឡាប់ ជាច្រើនត្រលប់ ៕
Source from: watphnom-news.com
Loading...
Post a Comment