រាជធានីភ្នំពេញ៖ស្ត្រីពីរនាក់បានបើករថយន្តកូរ៉ូឡាមួយគ្រឿងមិនទាន់ធ្វើស្លាកលេខស្រួលបួលផងទៅបុកផ្ទះប្រជាពលរដ្ឋចំនួនពីរកន្លែងបណ្តាលឲ្យរងនូវរាជធានីភ្នំពេញ ៖ ស្ត្រីពីរនាក់បានបើករថយន្ត កូរ៉ូឡាមួយគ្រឿង មិនទាន់ធ្វើស្លាកលេខស្រួលបួលផង ទៅបុកផ្ទះប្រជាពលរដ្ឋ ចំនួនពីរកន្លែង បណ្តាលឲ្យរងនូវ ការខូចខាតយ៉ាងដំណំ កាលពីវេលាម៉ោង ២និង១៥ នាទីរសៀលថ្ងៃទី២១ខែតុលា ឆ្នាំ២០១៣ នៅតាមបណ្តោយផ្លូវលេខ៥០៨ ភូមិ៥ សង្កាត់ផ្សាដើមថ្កូវ ខណ្ឌចំការមន ហើយបានចុះពីលើរថយន្ត ដើរចូលទៅក្នុងគ្លីនិក នៅក្បែរនោះបាត់ស្រមោល ។
មុនពេលកើតហេតុ គេឃើញរថយន្ត ម៉ាកកូរ៉ូឡាមួយគ្រឿង ពណ៌ប្រផេះ ពាក់ស្លាក់លេខ បណ្តោះអាសន្ន 6615 បើកបរដោយនារីម្នាក់ ដែលមានបំណងមកសំរាក ព្យាបាលនៅមន្ទីរគ្លីនិកឯកជន ដើមត្នោត ដែលមានទីតាំងស្ថិតនៅ តាមបណ្តោយផ្លូវលេខ៥០៨ ភូមិ៥ សង្កាត់ ផ្សាដើមថ្កូវ ខណ្ឌចំការមន។ បុរសម្នាក់ត្រូវជាក្មួយម្ចាស់គ្លីនិក ដើមត្នោត បានចេញមុខមកអះអាងថា គាត់នឹងចេញជាសំណង ដល់ម្ចាស់ផ្ទះរងគ្រោះទាំងពីរ ដើម្បីបញ្ចប់រឿង។
ម្ចាស់ផ្ទះដែលរងការខូចខាត ទី១-ឈ្មោះ នេត គឿន ភេទស្រីអាយុ ៦២ឆ្នាំ មានផ្ទះលេខ៣២ និងទី២-ឈ្មោះផាន់ អេង ភេទ ស្រី អាយុ ៥៤ ឆ្នាំ។ ម្ចាស់ផ្ទះរងគ្រោះ បានឲ្យដឹងថា សម្ភាររបស់គាត់ ដែលរងការខូចខាតផ្ទះឈ្មោះ នេត គឿន បាក់ទ្វាដែកខូចខាតទាំងស្រុង និងសម្ភារបន្តិចបន្តួច បើគិតជាប្រាក់ ប្រមាណ ៧០០ដុល្លារ និងផ្ទះទី២អ្នកស្រី ផាន់ អេង ខូចខាតទូរនិងជញ្ជាំងថ្ម បើគិតជាទឹកប្រាក់ ៥០០ដុល្លារ៕
Source from: watphnom-news.com
Loading...
Post a Comment