ទាំងការងារសហជីពទាំងការដឹកនាំពិភាក្សាចរចាក្នុងរឿងដំឡើងប្រាក់ឈ្នួលអប្បបរមានិងប្រាក់អត្ថប្រយោជន៍ផ្សេងៗជូនកម្មករនិយោជិតផ្នែកវាយនភណ្ឌកាត់ដេរនិងផលិតស្បែកជើងនាពេលកន្លងមកគឺឋិតនៅក្រោមការចាត់ចែងគ្រប់គ្រងដោយឯកឧត្តមអ៊ិតទាំងការងារសហជីព ទាំងការដឹកនាំពិភាក្សាចរចាក្នុងរឿងដំឡើងប្រាក់ឈ្នួលអប្បបរមា និងប្រាក់អត្ថប្រយោជន៍ផ្សេងៗជូនកម្មករ និយោជិតផ្នែកវាយនភណ្ឌកាត់ដេរ និងផលិតស្បែកជើងនាពេលកន្លងមក គឺឋិតនៅក្រោមការចាត់ចែងគ្រប់គ្រងដោយឯកឧត្តម អ៊ិត សំហេង កាលពីអាណត្តិទី៤ ដែលមានតួនាទីជារដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ខណៈដែលរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ«ហក់មិនរួច» នឹងឯកឧត្តម អ៊ិត សំហេង ទៅវិញ។
ក្នុងនាមជារដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា នាអាណត្តិទី៤ឯកឧត្តម អ៊ិត សំហេង ទទួលបានការតែងតាំងជាប្រធានគណៈកម្មការសម្រាប់ដោះស្រាយបញ្ហាកូដកម្ម បាតុកម្មនៅតាមគ្រប់មុខសញ្ញា «សេចក្តីសម្រេចរបស់រាជរដ្ឋាភិបាលលេខ ០៣សសរ ចុះថ្ងៃទី២២ ខែមករា ឆ្នាំ២០១៣» ជាសមាជិកគណៈកម្មាធិការដឹកនាំការងារដើម្បីអភិវឌ្ឍន៍ផ្នែកឯកជន ទទួលបន្ទុកជាប្រធានក្រុមការងារផ្នែកទំនាក់ទំនងវិជ្ជាជីវៈខាងភាគីរាជរដ្ឋាភិបាល ហៅកាត់ថា គណៈកម្មការទី៨«សេចក្តីសម្រេចរបស់រាជរដ្ឋាភិបាលលេខ ២៧សសរ ចុះថ្ងៃទី១៤ ខែវិច្ឆិកា ឆ្នាំ២០០៨»។ លើសពីនេះ ឯកឧត្តម អ៊ិត សំហេង បានដើរតួនាទីយ៉ាងសកម្មក្នុងការដឹកនាំកិច្ចប្រជុំពិភាក្សាចរចាជាមួយភាគីពាក់ព័ន្ធក្នុងរឿងដំឡើងប្រាក់ឈ្នួលអប្បបរមាជូនកម្មករ និយោជិត ។
ការកាន់កាប់តួនាទីរបស់ ឯកឧត្តម អ៊ិត សំហេង ក្នុងនាមជា រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទានាអាណត្តិទី៤ ត្រូវបានមជ្ឈដ្ឋានអ្នកតាមដានកិច្ចការសង្គមនៅកម្ពុជា ធ្វើការរិះគន់ថា លូកដៃយ៉ាងជ្រៅទៅក្នុងវិស័យការងារដែលជាសមត្ថកិច្ចរបស់រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ដូចជា មុខការរបស់គណៈកម្មការប្រឹក្សាការងារ«LAC» ជាដើម ។
មុខងារសំពីងសំពោងដែលឯកឧត្តម អ៊ិត សំហេង ទទួលបានក្រៅពីតួនាទីជារដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងបានលូកដៃយ៉ាងជ្រៅទៅក្នុងវិស័យការងារនោះ គឺដោយសារឯកឧត្តម អ៊ិត សំហេង ទទួលបានការទុកចិត្តទុកថ្លើមពីសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី ។
ឥឡូវ សម្រាប់អាណត្តិទី៥នេះ ឯកឧត្តម អ៊ិត សំហេង ទទួលបានការតែងតាំងជា រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈស្របតាមមហិច្ឆតាហើយៗក៏នឹងអាចទទួលបានមុខងារស្វ័យប្រវត្តិជាប្រធានគណៈកម្មការប្រឹក្សាការងារ«មាត្រា៣៥១-មាត្រា៣៥៨ នៃច្បាប់ស្តីពីការងារ» និងក៏អាចងាយស្រួលក្នុងការគ្រប់គ្រងអង្គការសហជីពផ្សេងៗផងដែរ ។
ចាប់ពីពេលនេះតទៅ គ្រប់ការងារពាក់ព័ន្ធនឹងរោងចក្រ សហគ្រាសផ្នែកវាយនភណ្ឌកាត់ដេរនិងផលិតស្បែកជើង ការងារសហជីព និងការប្រជុំពិភាក្សាដំឡើងប្រាក់ខែជូនកម្មករ និយោជិត គឺក្លាយជាសមត្ថកិច្ចយ៉ាងពេញដៃរបស់ ឯកឧត្តម អ៊ិត សំហេង ហើយ ។
ក្នុងជីវភាពបក្ស ឯកឧត្តម អ៊ិត សំហេង ជាសមាជិកគណៈកម្មាធិការកណ្តាលគណបក្សប្រជាជនកម្ពុជា ។ ឯកឧត្តម អ៊ិត សំហេង ធ្លាប់បានឈរឈ្មោះជាបេក្ខជនតំណាងរាស្ត្រពេញសិទ្ធិគណបក្សប្រជាជនកម្ពុជាលំដាប់លេខរៀងទី៤នៅមណ្ឌល់រាជធានីភ្នំពេញសម្រាប់អាណត្តិទី៥នេះដែលគណបក្សប្រជាជនកម្ពុជា ទទួលបានសំឡេងឆ្នោតគាំទ្រចំនួន៥អាសនៈក្នុងចំណោមអាសនៈសរុបចំនួន១២។ ប៉ុន្តែ ឯកឧត្តម អ៊ិត សំហេង បានដកខ្លួនថយមិនធ្វើជាអ្នកតំណាងរាស្ត្រទេ គឺសុខចិត្តមកធ្វើជារដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈវិញ ។
រឿងអាស្រូវពុករលួយដែលកើតមាននៅក្នុងក្រសួងសង្គមកិច្ច អតីតយុទ្ធជន និងយុវនីតិសម្បទា កាលពីអាណត្តិទី៤ រហូតដល់ថ្នាក់ក្រសួងសេដ្ឋកិច្ច និងហិរញ្ញវត្ថុ តាមទារលុយដែលបាត់បង់ដោយភាពមិនប្រក្រតី នាពេលនោះ គឺមជ្ឈដ្ឋាននានា មិនភ្លេចសោះឡើយដល់ ឯកឧត្តម អ៊ិត សំហេង ដែលជារដ្ឋមន្ត្រីដ៏មានឥទ្ធិពល ៕
Source from: www.dtn7.com
Loading...
Post a Comment