ក្រុងប៉ោយប៉ែត៖ស្ត្រីម្នាក់ដែលបើកម៉ូតូដើរលក់ប្រហិតយកប្រាក់មកចិញ្ចឹមកូនយ៉ាងវេទនាតោកយ៉ាកត្រូវប្តីប្រមឹករបស់ខ្លួនចោទថាមានសហាយហើយជិះម៉ូតូតាមធាក់ក្រុងប៉ោយប៉ែត ៖ ស្ត្រីម្នាក់ដែលបើកម៉ូតូ ដើរលក់ប្រហិតយកប្រាក់ មកចិញ្ចឹមកូនយ៉ាងវេទនាតោកយ៉ាក ត្រូវប្តីប្រមឹករបស់ខ្លួនចោទថា មានសហាយ ហើយជិះម៉ូតូតាមធាក់ ប្រពន្ធខណៈដែលកំពុងដើរលក់ប្រហិត ឈានដល់ការប្រតាយប្រតប់គ្នា កាលពីវេលាម៉ោង ៦និង៥៦ នាទី ព្រលប់ថ្ងៃទី១១ ខែតុលា ឆ្នាំ២០១៣ នៅតាមបណ្ដោយផ្លូវបេតុង ស្ថិតក្នុងសង្កាត់ផ្សារកណ្ដាល ក្រុងប៉ោយប៉ែត ខេត្ដបន្ទាយមានជ័យ ។
ស្ដ្រីរងគ្រោះមានឈ្មោះ ថៅ វរ៉ា អាយុ ៤៥ ឆ្នាំ រស់នៅភូមិផ្សារកណ្ដាលថ្មី សង្កាត់ប៉ោយប៉ែត មានមុខរបរលក់ប្រហិត បានឱ្យដឹងថា បុរសដែលស្រវឹងខួប ហើយជិះម៉ូតូដេញបុកគាត់ឈ្មោះ ឆម អាយុ ៦៣ ឆ្នាំ ជាប្ដីតែមិនមានរបរអ្វី ក្រៅពីផឹកស្រានោះទេ។ ប្ដីរបស់គាត់តែងតែ ផឹកស្រាស្រវឹងស្ទើររាល់ថ្ងៃ ហើយបានរករឿង ជេរប្រមាថគាត់គ្រប់បែបយ៉ាង ហើយបានចោទថា គាត់ជាប្រពន្ធដើរលក់ប្រហិតរាល់ថ្ងៃ គឺទៅជួបប្រុសសហាយ តែប៉ុណ្ណោះ ។
មុនពេលកើតហេតុ ស្ដ្រីជាប្រពន្ធបានបើកម៉ូតូ លក់ប្រហិតក្នុងទិសដៅ ពីត្បូងមកជើង ក៏ត្រូវប្តីប្រមឹកជិះម៉ូតូបំបុក។ ស្ដ្រីជាប្រពន្ធ បានចុះពីលើម៉ូតូ ទៅប្រតាយប្រតប់ ហើយប្ដីប្រមឹកក៏បានទះកំផ្លៀង លើមុខប្រពន្ធ ៣ ដៃ ស្រែកយំផ្អើលគេឯង មកចោមរោមមើល។ នគរបាលក្រុងប៉ោយប៉ែត ក៏បានចុះទៅសម្របសម្រួល កុំឲ្យប្តីប្រមឹកបន្ត ប្រើហិង្សាលើប្រពន្ធ និងប្រចណ្ឌខុសរឿងទៀត៕
Source from: watphnom-news.com
Loading...
Post a Comment