ប្រទេសភូមា ៖ យ៉ាងហោចណាស់គ្រាប់បែកចំនួន ៣ គ្រាប់បានផ្ទុះនៅក្នុងទីក្រុង Namkham ក្នុងរដ្ឋ Shan ភាគខាងកើតនៃប្រទេសភូមា នៅជិតព្រំដែនប្រទេសចិន បណ្តាលឲ្យជនរងគ្រោះ ជាកម្មករម្នាក់បានស្លាប់ និងពីរនាក់ទៀតរងរបួស ហើយគេចាត់ទុកថា នេះជាការវាយប្រហារចុងក្រោយបំផុត ក្នុងការបំផ្ទុះគ្រាប់បែកជាបន្តបន្ទាប់ ដែលសហរដ្ឋអាមេរិក បានថ្កោលទោសថា ជាអំពើភេវរកម្ម។
មន្ត្រីប៉ូលិសម្នាក់បាន និយាយថា មានការបំផ្ទុះ គ្រាប់បែកចំនួន ៣ គ្រាប់កាលពីថ្ងៃព្រហស្បតិ៍នេះ ហើយអាជ្ញាធរកំពុងធ្វើការស៊ើបអង្កេត លើការវាយប្រហារ ដោយបំផ្ទុះគ្រាប់បែកទាំងនេះ។ នៅក្នុងតំបន់ភាគខាងកើត នៃប្រទេសភូមា ក្នុងរយៈពេលពីរបីឆ្នាំថ្មីៗនេះ មានការវាយប្រយុទ្ធគ្នារវាងកងទ័ព និងក្រុមឧទ្ទាមជនជាតិភាគតិច ជាញឹកញាប់។
តាមការឱ្យដឹងពីលោក សៃ ទីន អូ មេធាវីនៅរដ្ឋហ្សាន ជាប់ព្រំប្រទល់ចិន បានបញ្ជាក់ថា ការបំផ្ទុះលើកទីមួយ បានកើតឡើងនៅយប់ថ្ងៃពុធ មិនបានបង្កឱ្យមាន អ្នករងរបួសទេ។ ដោយឡែកការបំផ្ទុះពីរលើកទៀត នៅព្រឹកថ្ងៃព្រហស្បតិ៍នេះ បានសម្លាប់ មនុស្សម្នាក់ និងរងរបួសពីរនាក់ ប៉ុន្តែអាជ្ញាធរមិនអាច ផ្ដល់ព័ត៌មានលម្អិតទេ៕
Source from: watphnom-news.com
Post a Comment