ខេត្តព្រះសីហនុ៖យុវជនអ្នកចឹញ្ចឹមទាម្នាក់ត្រូវរថភ្លើងបើកកិនដាច់សើយស្បែកប្រអប់ជើងរងរបួសធ្ងន់ត្រូវបានសាច់ញាតិដឹកតាមម៉ូតូមកកាន់មន្ទីរពេទ្យបង្អែកខេត្តព្រះសីហនុ ៖ យុវជនអ្នកចឹញ្ចឹមទាម្នាក់ ត្រូវរថភ្លើងបើកកិនដាច់ សើយស្បែកប្រអប់ជើង រងរបួសធ្ងន់ ត្រូវបានសាច់ញាតិដឹកតាមម៉ូតូ មកកាន់មន្ទីរពេទ្យបង្អែក ចំការចេក ខេត្តព្រះសីហនុ កាលពីវេលាម៉ោង ១៩និង០០ នាទីយប់ ថ្ងៃទី១៦ ខែតុលា ឆ្នាំ ២០១៣ នៅចំណុចផ្លូវរថភ្លើង ឆ្នេរព្រែកត្រែង ស្ថិតក្នុងភូមិ៤ ឃុំអូត្រេះ ស្រុកស្ទឹងហាវ ខេត្តព្រះសីហនុ ។
យុវជនរងគ្រោះមានឈ្មោះ គង់ សភា អាយុ ២១ ឆ្នាំ បច្ចុប្បន្នស្នាក់នៅរោងចិញ្ចឹមទា ស្ថិតក្នុងភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ មានស្រុកកំណើត នៅភូមិឬស្សី ឃុំតានី ស្រុកអង្គរជ័យ ខេត្តកំពត ។ នៅមុនកើតហេតុ វេលាម៉ោង ៤ ល្ងាច ជនរងគ្រោះ រួមជាមួយមិត្តភ័ក្តិ ២នាក់ទៀត បានអង្អុយផឹកស្រាជាមួយគ្នា រហូតដល់ម៉ោងជាង ៦ល្ងាច ក៏បានបែកគ្នារៀងៗខ្លួន តែជនរងគ្រោះបានទៅដេកកើយស្រាបៀរ ដែលទុកនៅក្បែរផ្លូវរថភ្លើង ដោយដាក់ជើងទន្ទឹមដែកផ្លូវរថភ្លើង។
នៅពេលរថភ្លើងមកពីភ្នំពេញ បើកឆ្លងកាត់ ជនរងគ្រោះពុំបានលឺសំឡេង និងឃើញភ្លើងនោះទេ ព្រោះជនរងគ្រោះស្រវឹងដាបទៅហើយ ទើបត្រូវរថភ្លើងបើកកិន ដាច់សាច់ប្រអប់ជើង។ នៅពេលដឹកមកដល់មន្ទីពេទ្យបង្អែក ចំការចេក ក្រុមគ្រូពេទ្យបានខិតខំជួយសង្គ្រោះ យ៉ាងយកចិត្តទុកដាក់ ប៉ុន្តែដោយខាងមន្ទីពេទ្យខ្វះខាត ឧបករណ៍មួយចំនួន ទើបសម្រេចចិត្តបញ្ជូនជនរងគ្រោះ មកកាន់រាជធានីភ្នំពេញ ដើម្បីជួយសង្គ្រោះបន្ត ៕
Source from: watphnom-news.com
Loading...
Post a Comment